Divorcet e famshme më të shtrenjta

Shkruar nga Bledina Cara   
e mërkurë , 06 maj 2009

Ndarja e Berlusconit me bashkëshorten pritet të kushtojë 4.5 miliardë euro
Nga Steven Spielberg, Michael Douglas, Harrison Ford e deri tek Kevin Kostner
Mund të bëhet një prej divorceve më të shtrenjta në histori. Deri tani thuhet se ky divorc mund t’i shkaktojë kryeministrit italian më shumë 4 miliardë euro, duke përfshirë dhe vlerën e shtëpive e pronave të tjera. Asgjë nuk është konfirmuar deri tani, por ajo që është e sigurt është fakti se do jetë një divorc i hidhur. “Veronica duhet të kërkojë falje publikisht. Ajo thotë se unë po bredh me vajza 17-vjeçare dhe kjo është diçka që s’mund ta pranoj. Unë jam mik me babain e asaj vajze. Betohem”, ka deklaruar Berlusconi. Ky nuk do ishte divorci i parë i zhurmshëm mes njerëzve të famshëm, por do të ishte një prej më pikantëve, i shoqëruar nga një sërë divorcesh të kushtueshme.

Silvio Berlusconi dhe Veronica Lario, rreth 4.5 miliardë euro
Ato nuk janë divorcuar akoma, por të dy janë shprehur publikisht se ky është fundi i martesës së tyre. Ishte Veronica ajo që sërish u shpreh publikisht për bashkëshortin e saj, pasi ai u shfaq në fotot e ditëlindjes së një 18-vjeçare, që sipas Berlusconi-t është vajza e një mikut të tij. Unë s’mund të rri me një burrë që sorollatet me adoleshente ka thënë Veronica për shtypin. Ndërkohë Berlusconi është shprehur se ajo duhet të kërkojë falje publike.
Paul McCartney dhe Heather Mills, 188-376 milionë dollarë
Ish-anëtari i grupit “Beatles” ua martua me ish-modelen Heather Mills në vitin 2002 në një ceremoni ekstravagante në një kështjellë irlandeze (Ata kanë një fëmijë së bashku.) Ndërkohë që nuk është arritur asnjë marrëveshje akoma mes dy ish-bashkëshortëve, avokatët kanë mendimin se ndarja e pasurisë së McCartney-t mund të arrijë nga 188-376 milionë dollarë.
Steven Spielberg dhe Amy Irving, 100 milionë dollarë
Aktorja Amy Irving ka qenë e martuar me ikonën e regjisë së filmit Steven Spielberg prej vitit 1985-1989. Çifti kishte një marrëveshje paramartesore por Irving e kundërshtoi atë, duke pretenduar se ajo nuk ishte e shoqëruar nga përfaqësues ligjorë kur e kishte nënshkruar atë. Më në fund Spielberg arrit të binte dakord duke i dhënë asaj një shumë prej 100 milionë dollarësh.
Harrison Ford dhe Melissa Mathison, 85 milionë dollarë
Harrison Ford u martua me skenaristen Melissa Mathison në mars të vitit 1983. Ata u ndanë pas 17 vitesh në vitin 2004. Ford i pagoi Mathison 85 milionë dollarë si pjesë një pakti fitimprurës që i siguronte asaj edhe një pjesë të fitimeve të ardhshme që do dilnin nga filmat që Ford kishte bërë në kohën kur ata ishin bashkë. Kjo do të përfshinte edhe shitje DVD-sh të filmave klasikë të Ford siç është Indiana Jones.
Kevin Costner dhe Cindy Silva, 80 milionë dollarë
Martesa 16-vjeçare e Costner me dashurinë e tij të universitetit amerikano-portugezen, Cindy Silvia mbaroi në vitin 1994 duke përfolur tradhti të mundshme të aktorit në sheshin e xhirimit. Çifti ka tre fëmijë së bashku. Costner i ka paguar ish-bashkëshortes së tij 80 milionë dollarë.
James Cameron dhe Linda Hamilton, 50 milionë dollarë
Regjisori i filmit “Titaniku” u martua me aktoren Linda Hamilton në korrik 1997. Ata kishin një vajzë bashkë përpara se martesa të merrte fund pas 18 muajsh. Hamilton kërkoi gjysmën e të gjitha fitimeve që regjisori mori nga filmi “Titaniku”, filmi me të ardhurat më të mëdha në histori. Kështu ajo u nda nga martesa me 50 milionë dollarë.
Michael dhe Diandra Douglas, 45 milionë dollarë
Pas 22 vitesh martesë, Michael dhe Diandra Douglas u ndanë në vitin 1997. Douglas, një aktor i disa prej filmave më të shitur të Hollivudit mendohet si ka paguar ish-bashkëshortes së tij 45 milionë dollarë pas divorcit. Shumë kolosale është vlerësuar të ketë qenë afërsisht një e treta e pasurisë së aktorit dhe producentit Douglas.
Mick Jagger dhe Jerry Hall, 15-25 milionë dollarë
Pas zërave se solisti i Rolling Stone kishte lënë shtatzënë një vajzë, bashkëshortja e tij, supermodelja Jerry Hall i kërkoi divorcin në vitin 1999, duke kërkuar edhe një shlyerje prej 50 milionë dollarësh. Por avokatët e Jagger pretenduan se ai nuk i detyrohej ish-it të tij asgjë, pasi ata nuk ishin martuar asnjëherë, pavarësisht 21 viteve bashkë dhe katër fëmijëve (Një ceremoni fetare në Bali nuk kishte status ligjor sipas avokatëve). Detajet e marrëveshjes së divorcit nuk u bënë publike, por mendohet se Hall ka marrë 15-25 milionë dollarë.

Divorcet
Unë jam një mbajtëse fantastike shtëpish. Çdo herë që lë një burrë, i mbaj shtëpinë”, është shprehur njëherë Zsa Zsa Gabor, ikonë e bukurisë dhe lakmisë hollivudiane. Por ajo nuk është e vetmja që e mendon ashtu. Shumë femra dhe meshkuj në botën e shout të biznesit ua “vënë syrin” personave të famshëm e të suksesshëm, sepse edhe në rast divorci, ata do jenë sërish të fituar. E këto divorce bëjnë xhirot e botës për shumë kohë edhe pasi ndodhin, jo vetëm për arsye se bëhet fjalë për njerëz të famshëm, por edhe për shumat marramendëse që njëri apo tjetri arrin të përftojë nga kjo thyerje martese. Pikërisht për këtë arsye pjesa më e madhe e çifteve nënshkruajnë marrëveshje paramartesore, ku përcaktohet se çfarë do marrë dhe nuk do marrë partnerja në rast divorci. “Marrëveshjet paramartesore janë tashmë aq të zakonshme në kulturën e përgjithshme sa që njerëzit po i bëjnë ato vetëm sepse mendojnë ‘“kam nevojë për një marrëveshje paramartesore”, shprehet William Beslow, një avokat martesor në Nju Jork, i cili ka përfaqësuar Nicole Kidman, Al Pacino, Robert De Niro dhe Demi Moore. Por nëse disa kanë fat, disa të tjerëve u duhet t’u japin ish-bashkëshorteve të tyre, apo siç janë cilësuar së fundmi, “gërmuese floriri”, një pjesë të madhe të fitimeve të gjithë jetës së tyre, siç është dhe rasti më i fundit i Paul McCartney ku bashkëshortja e tij e katër viteve, Heather Mill, kërkon t’i marrë atij deri në 376 milionë dollarë.
Kontratat
Vjehrra s’duhet të verë këmbë në shtëpi. Televizori do ndalojë në një stacion ku transmetohet futboll vetëm një herë në javë. Marrëdhënie intime të përcaktuara që para martese. Janë këto disa prej pikave të kontratave paramartesore të njerëzve të famshëm. Kush ka më shumë para harton kontratën, tjetri firmos. Ka raste dhe kur s’bien dakord dhe negociatat vazhdojnë gjatë duke shtyrë madje dhe datën e martesës. Edhe pse nuk duket shumë romantike, njerëzit e pasur të spektaklit nuk shkelin në altar pa firmosur një kontratë paramartesore më parë.
Kontratat e famshme
Kontratat paramartesore është i lirë t’i çdo person i ligjshëm, por zakonisht jemi mësuar t’i shohim më së shumti tek njerëzit e famshëm e të pasur. Qëllimi i këtyre është vetëm një, të mbrojnë paratë e tyre me aq sa munden. Duhen përmendur divorce famëkeqe ku më “pasaniku” i çiftit ka humbur deri në 100 milionë dollarë. I tillë është rasti i regjisorit hollivudian Steven Spielberg, i cili u detyrua t’i paguante ish-bashkëshortes së tij Amy Irving shumën marramendëse. Ndërsa Kevin Kostner do t’i duhej të paguante 80 milionë dollarë me rastin e divorcit pas martesës disavjeçare. Edhe Michael Douglas ka paguar jo pak pas një divorci me bashkëshorten e tij prej 19 vitesh. Ai i ka paguar 40 Diandra Douglas pas përfundimit të martesës së tyre të gjatë. Mbase kjo është dhe arsyeja pse në martesën e tij me aktoren Catherine Zeta Jones ai ka përpiluar një kontratë të përpiktë e të saktë paramartesore. Por nuk ka qenë i vetmi që ka vënë rregullat e lojës. Sipas kësaj kontrate gruaja e tij aktuale mund t’i marrë më shumë para se sa është përcaktuar në kontratë nëse ajo zbulon se ai e ka tradhtuar. Të njëjtën pikë e përmban edhe kontrata paramartesore e Katie Holmes dhe Tom Cruise. E përpiluar nga babai i saj avokat, aktori i “Mission Impossible” përveç të tjerave, i detyrohet bashkëshortes së tij të re, 5 milionë dollarë në rast se ai e tradhton. Përveç tradhtisë klasike me pasojë divorcin, Nicole Kidman ka dashur të shtojë një klauzolë më tepër që mund t’i sigurojë asaj lumturi bashkëshortore dhe aspak humbje monetare nëse ia vlen që të anulojë martesën. Në rast divorci ajo i detyrohet bashkëshortit të saj 600 mijë dollarë për çdo vit martese vetëm nëse ai i qëndron larg drogës dhe alkoolit. E duhet thënë që ai s’e ka nisur me këmbë të mbarë, duke pasur parasysh se që në vitin e parë të martesës ai u shtrua në një klinike rehabilitimi për të luftuar varësinë e tij ndaj drogës dhe alkoolit. Ndërsa këngëtarja Britney Spears në këto momente mund edhe të mos kishte pasur para për të paguar klinikën e saj të rehabilitimit ku u shtrua disa kohë më parë, nëse mamaja e saj dhe këshilltari ekonomik s’do ta kishin bindur të nënshkruante kontratën paramartesore. Jashtë dëshirës së saj ajo e ka detyruar ish-bashkëshortin Kevin Federline të nënshkruante një kontratë paramartesore ku në rast divorci ai do të merrte 360 mijë dollarë mbështetje dhe 7 milionë dollarë nga shitja e vilës së tyre në Malibu. Zhaklinë Kenedi Onasis, ka qenë ndër të parat që ka nisur modën e marrëveshjeve paramartesore. Në martesën e saj të dytë me miliarderin Aristotle Onasis ajo e detyroi atë të nënshkruante një kontratë paramartesore, ku përveç të tjerave ishin të përcaktuara edhe marrëdhëniet intime mes dy bashkëshortëve. Në rast divorci ai ishte i detyruar t’i jepte asaj 3 milionë dollarë në kesh, nga një milionë dollarë për secilin fëmijë dhe 200 mijë dollarë në çdo vit pas divorcit apo vdekjes së tij.
Pse duhen kontratat
“Diskutimi i kontratës paramartesore nuk është diçka romantike. Problemi në këtë rast është se kjo përfshin mungesë besimi nga një palë e çiftit”, shprehet Benet, avokati i një sërë personazh të famshëm në Hollivud. Ai rrëfen se njërit prej klientëve kishte frikë se mos ofendonte bashkëshorten e ardhshme duke i kërkuar të firmoste një kontratë. Pas katër vitesh martese ky person do të humbiste 50 milionë dollarë.

{Tirana Observer}

Asnjë vlerësim. Bëhu i pari që e jep atë!
Abonohu:
Adresa e-mail