Arsimi

Tema nga fusha e arsimit...

Bëj një postim
  • Studentët, nesër nis vlerësimi i testeve

    12 korrik - Lidhur me afatet e regjistrimit në degët universitare, strukturat e MASH kanë pajisur të gjithë maturantët një fletëpalosje, e cila informon kandidatët për studentë që regjistrimi i tyre do të kryhet si një vit më parë, në dy faza kryesore: regjistrimi paraprak dhe regjistrimi përfundimtar.

    Shekulli Online 

     Procesi i korrigjimit të provimeve me zgjedhje, të cilit iu nënshtruan dy ditë më parë rreth 32 mijë maturantë, do të fillojë nesër (e dielë) në 4 qendra e vlerësimit. 
      Afro 300 korrigjues të testeve të instaluar në Tiranë, Elbasan, Shkodër dhe Fier, do të nisin vlerësimin e dijeve të maturantëve në lëndët më të preferuara si, Njohuri për shoqërinë, Filozofi, Ekonomi, Anglisht, Histori, Biologji, Gjeografi, Kimi, Fizikë, Frengjisht, etj.
      Këto provime përmbanin për secilën lëndë 20 pyetje, nga të cilat 10 pyetje me përgjigje alternative (10 pikë) dhe 10 të tjera me përgjigje me zhvillim (30 pikë). Në total, një maturant duhet të marrë maksimumi 80 pikë ne dy provimet me zgjedhje. 
      Provimet me zgjedhje janë prova e fundit e Maturës Shtetërore dhe bashkë me dy provimet e detyrueshme dhe mesataren e shkollës së mesme, përbëjnë pesë komponentët e rezultatit për pranimin në institucionet publike të arsimit të lartë. 
      Sipas rregullores së MASH, nëse një nxënës, i cili është mbetës qoftë edhe në një nga provimet e detyruara të Maturës Shtetërore në sesionin e parë, nuk ka të drejtë të futet në provimet me zgjedhje. Ai është i detyruar të japë provim lëndët e detyruara në vjeshtë dhe në qoftë se i merr ato, ka të drejtë të futet në provimet me zgjedhje vitin e ardhshëm.

    Studentët fitues, ja si duhet të regjistrohen

    Regjistrimet e kandidatëve për studentë në universitete do të kryehen në shtator bazuar në parimin Meritë-Preferencë (MeP) , konfirmoi të shtunën Ministria e Arsimit dhe Shkecës, duke rekomanduar që të gjithë maturantët që do të përfundojnë me sukses provimet e Maturës Shtetërore 2008, duhet të bëjnë kujdes me procedurat e regjistrimit në Institucionet publike të Arsimit të Lartë (IAL). 

      Lidhur me afatet e regjistrimit në degët universitare, strukturat e MASH kanë pajisur të gjithë maturantët një fletëpalosje, e cila informon kandidatët për studentë që regjistrimi i tyre do të kryhet si një vit më parë, në dy faza kryesore: regjistrimi paraprak dhe regjistrimi përfundimtar. 

      Pasi shpallet lista e fituesve me renditjen fillestare të të gjithë kandidatëve në programet e studimit (degët) përkatëse, bëhet regjistrimi paraprak pranë sekretarive të IAL-ve. Regjistrimi paraprak është i detyrueshëm brenda afatit kohor të përcaktuar nga MASH dhe nëse nuk kryhet, maturanti humbet të drejtën për të vazhduar më tej. Pas regjistrimit paraprak, hiqen nga lista të gjithë kandidatët që nuk do të figurojnë të regjistruar për arsye të ndryshme dhe shpallet lista e re me fituesit përfundimtarë. 

      Ata kandidatë, që në listën për regjistrimin përfundimtar do të jenë fitues në një program studimi tjetër nga ai i regjistrimit paraprak, duhet detyrimisht të ç’regjistrohen dhe të regjistrohen në programin e studimit ku kanë dalë fitues sipas listës përfundimtare. Nëse maturantët nuk bëjnë regjistrimin përfundimtar, humbasin të drejtën për të vazhduar shkollën e lartë.

  • Provimet me zgjedhje, rezultatet, javën e parafundit të korrikut

    Matura pothuajse përfundoi. Dje paradite, 32 mijë maturantë i hapën rrugën, me testimin në dy lëndët me zgjedhje, fazës së pranimeve në universitete. Testimi, i cili zgjati 4 orë, kaloi normalisht ndërkohë që për mbarëvajtjen e tij, Ministria e Arsimit

    Dritan Laci

    Përfundon Matura Shtetërore. Gazeta “Shekulli” publikon testet e zgjidhura për 9 lëndët me zgjedhje

    Në provimet me zgjedhje morën pjesë 32 mijë maturantë. Ditën e diel, nis korrigjimi i testeve në katër qendra

    Matura pothuajse përfundoi. Dje paradite, 32 mijë maturantë i hapën rrugën, me testimin në dy lëndët me zgjedhje, fazës së pranimeve në universitete. Testimi, i cili zgjati 4 orë, kaloi normalisht ndërkohë që për mbarëvajtjen e tij, Ministria e Arsimit angazhoi 2 mijë administratorë. Sikurse u veprua në provimet me detyrim, për një mbarëvajtje korrekte të zhvillimit të provimit, për herë të parë këtë vit, administratorët u shkëmbyen midis rretheve të ndryshme. Fill pas përfundimit të testimit, testet e plotësuara janë nisur nën masa të forta sigurie, në drejtim të shkollës “Sabaudin Gabrani”, në kryeqytet, nga ku do të shpërndahen për t’u korrigjuar në 4 qendra, në Tiranë, Elbasan, Shkodër dhe Fier. Komisionet për korrigjimin e testeve, do të nisin nga puna ditën e diel, datë 13 korrik 2008. Në këtë proces do të angazhohen 300 korrigjues, ndërsa rezultatet priten të shpallen jo më larg se data 25 korrik. Provimet me zgjedhje, janë prova e fundit e Maturës Shtetërore dhe bashkë me dy provimet e detyrueshme dhe mesataren e shkollës së mesme, përbëjnë pesë komponentët e rezultatit për pranimin në institucionet publike të arsimit të lartë. Nxënësi i cili është mbetës qoftë edhe në një nga provimet e detyruara të Maturës Shtetërore, në sesionin e parë, nuk ka të drejtë të futet në provimet me zgjedhje. Ky nxënës është i detyruar të japë provim lëndët e detyruara në vjeshtë dhe në qoftë se i merr ato, ka të drejtë të futet në provimet me zgjedhje, vitin e ardhshëm.

  • Absolute! E para në matematikë, në Tiranë

    5 korrik, ora 11.45- Perfekte! E para në Tiranë! Në 90 minuta, arrin të zgjidhë në mënyrë të saktë, testin e provimit të dytë me detyrim në lëndën e Matematikës.

     Dritan Laci

    Perfekte! E para në Tiranë! Në 90 minuta, arrin të zgjidhë në mënyrë të saktë, testin e provimit të dytë me detyrim në lëndën e Matematikës. Joana Hankollari, maturante në shkollën e mesme “Partizani” ka mundur të marrë 50 pikë. Komisioni i Vlerësimit të Testeve i ka dhënë pikët e mundshme maksimale.

    Vetëm 1 orë e 30 minuta. Kaq kohë iu desh në dispozicion maturantes së shkollës së mesme “Partizani”, Joana Hankollari, për të zgjidhur në perfeksion testin e formuluar nga specialistët më të mirë të arsimit, në provimin e dytë me detyrim të Maturës Shtetërore, në lëndën e Matematikës. Drejtoreshë Luli nuk e fsheh dot kënaqësinë. Ajo shpejton të ngjisë shkallët për të ndarë gëzimin me kolegët që ndodhen në korridor në pritje të rezultateve. Është gëzim më se i merituar. Maturantja e saj, ka arritur jo vetëm të marrë notën 10, por ka mundur njëkohësisht të korrë të gjitha pikët e mundshme që përmbante testi. Joana ka mbledhur 50 pikë, duke u rreshtuar në 8 maturantët e shkëlqyer që kanë zgjidhur të plotë testin në lëndën e Matematikës. Por gëzimi bëhet më i ligjshëm për mësuesit e shkollës, kur mësojnë se nxënësja e tyre është e vetmja ndër shkollat e kryeqytetit që ka arritur të fitojë pikët maksimale, në provimin më të vështirë të Maturës Shtetërore. Vetë Joana, paçka se ishte e bindur në plotësimin e saktë të testit, kishte dyshime nëse do të arrinte të merrte pikët e plota. Korrigjimi i testit, nuk është punë vetëm e një individi. Procesi kalon në disa duar, e për të marrë 50 pikë, duhet mendimi i të gjithë specialistëve. Por tashmë hijet e dyshimit janë fashitur. Komisioni vendosi në mënyrë unanime, që maturantja e shkollës “Partizani” të vlerësohet me pikë të plota. Joana, nuk harron të japë një falënderim të madh, për njerëzit që i qëndruan pranë gjatë fazës përgatitore të provimeve. Një pjesë të mirë të suksesit, krahas familjes, 18-vjeçarja, ia dedikon profesorit të Matematikës, Skënder Bulku.

    “Në formimin matematikor, një rol të rëndësishëm ka luajtur edhe profesor Skënderi. Ditën që mësova përgjigjen, nuk kisha se si ta harroja punën që ai ka bërë me të gjithë nxënësit. E mora në telefon dhe e falënderova. Koha për të përgatitur provimin e Matematikës ishte shumë e shkurtër. Në 6 ditë, duhet të kalonim në duar 8 libra. Ishte thjesht një përsëritje, por falë mënyrës se si e organizoi profesori periudhën e konsultimit, ne arritëm të dilnim me sukses në provim”. Joana nuk përton të rrëfejë emocionet e provimit. Ajo na tregon se teza përgjithësisht ishte e një niveli mesatar, që nuk shfaqte vështirësi, përjashto ushtrimin e fundit që kërkonte një logjikë të fortë. Gjithsesi, vajza ishte përgatitur fort për çdo të papritur.

    “Përgjithësisht, teza ishte e hartuar mirë. Më pëlqeu që ushtrimet nuk kishin zgjatje. Kryesisht ishin ushtrime logjike, të cilat nëse kishe punuar për gjatë 4 viteve, mund të zgjidheshin pa problem. Në fakt nuk m’u desh shumë kohë për ta zgjidhur. Nga 2 orë e 30 minuta që ishte provimi, unë e zgjidha tezën për 90 minuta”. Joana ka marrë pjesë jo pak herë edhe në olimpiadat kombëtare të Matematikës. Por gjithsesi, Matematika nuk është pasioni i vetëm që maturantja ka në jetë. Një pjesë të mirë të kohës 18-vjeçarja ia kushton edhe librave. Ajo lexon shumë, dhe është aktive në debatet publike që zhvillohen midis shkollave, ku me ekipin e saj, ka arritur të fitojë dy herë Kupën e Shqipërisë. Madje, me keqardhje, thotë se e ndjen veten të mërzitur, për vetë faktin se koha përgatitore e Maturës nuk i ka lënë shumë mundësi për të lexuar libra.

    “Pasioni im i dytë është debati. Jam pjesë e programit të debatit që organizohet në nivel ndërkombëtar nga IDEA, në Shqipëri. Është diçka shumë interesante, pasi diskutojmë tema politike, të aktualitetit, qoftë për Shqipërinë, ashtu edhe për vendet e tjera. Unë bëj pjesë në ekip me dy vajza të tjera po të shkollës “Partizani”, me të cilat kemi fituar Kupën e Shqipërisë në debat, njëherë në gjuhën shqipe dhe njëherë në gjuhën angleze”. Sidoqoftë, rruga që Joana kërkon të ndjekë në jetë është krejt tjetër nga ajo e oratorisë. Thotë se që e vogël ka pasur ëndërr të bëhet mjeke dhe duket se momenti ka mbërritur për ta kthyer ëndrrën në realitet. Në Formularin A2, Joana, ka zgjedhur si preferencë të parë, degën e Mjekësisë, ndërsa të dytë Juridikun.

    “Mjekësia më është dukur si një eksperiencë shumë e mirë për të bërë diçka ndryshe. Unë them gjithmonë që në këtë jetë, njeriu përveçse mendon për t’u realizuar individualisht, duhet të mendojë të bëjë diçka edhe për të tjerët, ashtu sikurse edhe ne presim që dikush të bëjë diçka për ne. Në këtë kontekst, mjekësia më është dukur një formë shumë e mirë për t’i qëndruar pranë njerëzve në nevojë”. Joana e di se do të ketë përpara një rrugë shumë të vështirë për të bërë. Me pamje të brishtë, ajo përpiqet gjithmonë të jetë një vajzë e fortë, që nuk thyhet kollaj, por që përpiqet me të gjithë fuqinë që ka, të çohet dhe të ecë përpara. Një rol të rëndësishëm në formimin e karakterit, Joana ia kushton prindërve dhe motrës, që i ka qëndruar pranë gjatë gjithë kohës së provimeve.

    “Të dy prindërit kanë qenë shumë inkurajues për mua, për çdo aktivitet që kam bërë. Gjithmonë më kanë thënë: “Merr pjesë, mos ki frikë”. Po kështu edhe motra, që më ka qëndruar më pranë gjatë ditëve të provimit. Unë jam tip që i kam me shumë merak gjërat. Ndonjëherë e kritikoj veten që duhet të kem më shumë besim për t’i çuar gjërat deri në fund, dhe ata natyrisht që më kanë inkurajuar”. Për të treguar se udhëhiqet më shumë nga pasioni sesa nga ana materiale, Joana, na rrëfen se nëse do të arrijë të fitojë Mjekësinë, do të donte të punonte në frontin më të vështirë, atë të Onkologjisë. Thjesht, për të qenë sa më pranë njerëzve në nevojë, në momentet më të vështira të jetës. Nuk na ngelet gjë tjetër veçse t’i urojmë Joanës: Suksese në shkollë dhe në jetë!

  • Universitetet, këtë vit pranohen 20.000 studentë të rinj

    2 korrik, ora 19.05- Tiranë-Numri total i studentëve të rinj që do të pranohen këtë vit akademik në universitete shqiptare është 20 mijë studentë.

    Bruna Prifti

    Tiranë-Numri total i studentëve të rinj që do të pranohen këtë vit akademik në universitete shqiptare është 20 mijë studentë. Vendimi është marrë sot në mbledhjen e Këshillit të Ministrave, pas kalimit më parë të shifrave të pranimit në Ministinë e Arsimit dhe Shkencës.

    Numri i hyrjeve të reja është planfikuar në të gjitha programet e studimit (degët) në Institucionet publike të Arsimit të Lartë.

    Miratimi i kuotave, sipas burimeve zyrtare të ministrisë së Arsimit bëhet në një kohë të tillë, para përfundimit të plotësimit nga ana e maturantëve, të formularit A2.

    “Në këtë mënyrë u vijmë në ndihmë maturantëve, që të zgjedhin sipas kuotave, por edhe të dhënave të tjera, 10 preferencat në programet e studimit tė lartë”- thanë burimet zyrtare pranë MASH-it.

    Në programet e studimit të ciklit të parë do të pranohen në vitin akademik 2008-2009, 19602studentë të rinj. Sipas vendimit të qeverisë, 980 kuota janë përcaktuar për shqiptarët jashtë trojeve. “Program të dytë studimi këtë vit do të kenë mundësi të ndjekin 500 studentë dhe kuota për shtetasit e huaj do të jenë vetëm 100”- thuhet në vendimin e qeverisë.

    Sipas të njëjtit burim, në bazë të propozimeve të IAL, Këshilli i Ministrave ka vendosur për shtim të kuotave në disa programe studimi, si Teknologji e Informacionit, Informatikë, Turizëm, Shkenca të Natyrës e Inxhinierike.

    Ndërkohë tarifat vjetore të shkollimit do tė mbeten të njëjta si një vit më parë.

    Tarifa e shkollimit

    Universiteti i Tiranės

    Nė Fakultetin e Shkencave Natyrore 15 000 lekė

    Nė Fakultetin e Gjuhėve tė Huaja 15 000 lekė

    Nė Fakultetin e Drejtėsisė 30 000 lekė

    Nė Fakultetin e Shkencave Sociale 30 000 lekė

    Nė Fakultetin e Mjekėsisė :

    Farmaci, Stomatologji dhe Shėndeti Publik 30 000 lekė

    Nė Programin e studimit Mjekėsi 25 000 lekė

    Nė Fakultetin e Infermierisė 25 000 lekė

    Nė Fakultetin e Histori- Filologjisė 20.000 lekė

    Nė Fakultetin e Ekonomisė 25.000 lekė

    Universiteti Politeknik i Tiranės:

    Nė programin e studimit Arkitekturė 30.000 lekė

    Nė programin e studimit Inxhinieri Ndėrtimi 25 000 lekė

    Nė programet e studimit:

    Inxhinieri Elektronike dhe Elektrike 20 000 lekė

    Pėr tė gjitha programet e tjera tė studimit: 15 000 lekė

    Akademia e Arteve :

    “Regji Filmi”  80 000 lekė.

    - Nė tė gjitha programet e tjera 30 000 lekė.

    Akademia e Edukimit Fizik dhe Sporteve “Vojo Kushi”

    Tarifa e shkollimit pėr tė gjitha programet e studimit 20 000 lekė

    Universiteti Bujqėsor i Tiranės

    Nė programet e studimit :

    Drejtim Fermash dhe Agrobiznes

    Ekonomi dhe Politikė Agrare

    Inxhinieri Pyjesh, Inxhinieri Pėrpunim Druri

    Financė – Kontabilitet dhe Mjekėsi Veterinare 20 000 lekė

    Pėr tė gjitha programet e tjera tė studimit 15000 lekė

    Universiteti i Elbasanit “Aleksandėr Xhuvani”

    Pėr programet e studimit : Gjuhė-Letėrsi, Gazetari,

    Punė Sociale dhe Psikologji 15 000 lekė

    Pėr tė gjitha programet e tjera tė studimit : 12 000 lekė

    Universiteti i Gjirokastrės dhe Korçës 12 000 lekė

    Universiteti i Shkodrės “Luigj Gurakuqi”:

    Nė programet e studimit : Gjuhė-Letėrsi, Punė Sociale

    dhe Psikologji 15.000 lekė

    Nė programin e studimit Drejtėsi 16.000 lekė

    Nė tė gjitha programet e tjera tė studimit 12.000 lekė

    Universitetii i Vlorės “Ismail Qemali” :

    Nė programin e studimit Drejtėsi 20 000 lekė

    Nė programin e studimit Gjuhė–Letėrsi 15 000 lekė

    Pėr tė gjitha programet e tjera tė studimit 12 000 lekė

    Universiteti i Durrėsit “Aleksandėr Moisiu”

    Pėr tė gjitha programet e tjera tė studimit 15 000 lekė

    {Shekulli}

  • Së shpejti universitet Shqipvtar edhe në Kumanovë

    02.07.2008
    Universiteti Shtetëror i Tetovës, së shpejti do të zgjerohet jo vetëm në numrin e fakulteteve por edhe në shtrirjen gjeografike.
    Në seancën e së martës, kur po diskutohej propozim ligji për ndryshimin e Ligjit për themelimin e USHT-së, Parlamenti ka miratuar amendamentin për themelimin e një fakultetit të Biznesit dhe Administratës, me seli në Kumanovë. Ky ishte njëri prej amendamenteve të Grupit Parlamentar të Bashkimit Demokratik për Integrim (BDI), kurse disa amendamente të tjera si ai për hapjen e fakultete të USHT-së, në Shkup, Gostivar dhe Strugë nuk morën votat e mjaftueshme.
    “Konsiderojmë se do të kishte qenë në të mirë të USHT-së, sikur të ishin miratuar edhe amendamentet për hapjen e Fakultetit të Arteve në Shkup, të Turizmit në Strugë dhe të Institutit Ushqimor në Gostivar”, tha Rafiz Aliti, koordinator i grupit parlamentar të BDI-së. Edhe pse, miratimin e amendamentit për themelimin e Fakultetit të Biznesit dhe Administrim në Kumanovë e cilëson si një fitore të USHT-së dhe Kumanovës. “Zgjerimi i universiteteve është bërë një nevojë e kohës”, tha Aliti, kurse konsideron se hapja e Fakultetit në Kumanovë do të ndikojë dukshëm në nevojat e popullatës së kësaj ane për arsim të lartë.
    Procedura për ndryshimin e Ligjit të USHT-së, fillimisht nisi në muajin maj, një ditë para shpërbërjes së Parlamentit, kurse me miratimin e tij USHT-ja do të ketë dhjetë fakultete dhe jo katër dhe një shkollë të lartë, sa kishte me ligjin e vjetër. Prej tetorit, këtij universitetit do ti shtohen Fakulteti i Mjekësisë, Stomatologjisë, Farmacisë, Fizkulturës dhe Arteve dhe Filozofisë.

    {Lajm}

  • Letërsia, notë maksimale vetëm 3800 maturantë

    24 qershor, ora 14.50- Tiranë- Ka përfunduar nxjerrja e rezultateve të provimit të parë të Maturës Shtetërore 2008, Letërsi dhe Gjuhë shqipe. Sipas rezultateve, kalueshmëria në shkallë vendi është 91.89%.

    Bruna Prifti

    Pas përfundimitme sukses të procesit të korrigjimit të testevenë të katër Qendrat e Vlerësimit në Tiranë, Shkodër, Elbasan e Fier ka filluar qysh dje pasdite printimi i rezultateve në nota të nxënësve dhe shpërndarja e tyre nëpër DAR/ZA-të, prej ku do të nisen për afishim në shkolla.

    Në provimin e parë të detyruar të Maturës Shtetërore 2008, Letërsi dhe Gjuhë shqipe, morën pjesë 31 880 nxënës.

    Sipas ministrisë së Arsimit, me nota 9-10 janë vlerësuar vetëm 3800 nxënës, që janë 11.92% e totalit të maturantëve.

    “Kanë marrë nota të nivelit 5-6 gjithsej 12 483 nxënës, dmth 39,15% e totalit dhe

    nota të nivelit 7-8 kanë marrë gjithsej13 011 nxënës, dmth 40,81% e totalit”- thonë burimet zyrtare.

    Specialistët kanë vënë re një shpërndarje normale të notave, gjë që duket qartë nga trajta e kurbës së shpërndarjes. Veç kësaj, rezultatet e këtij viti në provimin e Letërsi-Gjuhë shqipe të Maturës Shtetërore janë më të mira se ato të vitit të kaluar në cilësi. Një nga treguesit që dëshmon për këtë është rritja e numrit të nxënësve të vlerësuar me notën 10, në krahasim me vitet e meparshme.

    Rezultatet e arritura do të jenë objekt studimesh të mëtejshme të thelluara nga ana e AVA-s dhe e MASH.

    {Shekulli}

  • Durrës, nis gara për drejtuesit e universitetit

    23 qershor, ora 16.25- Nis procesi zgjedhor në Universitetin “Aleksandër Moisiu” të Durrësit.

    Bruna Prifti

    Nis procesi zgjedhor në Universitetin “Aleksandër Moisiu” të Durrësit. Sipas ministrisë së Arsimit, zgjedhjet për organet drejtuese të këtij institucioni (rektorë, dekanë, organe kolegjiale) do të bëhen në bazë të Ligjit për Arsimin e Lartë.

    Sipas urdhrit të dhënë nga ministri Pollo, data e zhvillimit të zgjedhjeve për organet dhe autoritetet drejtuese të universitetit më të ri në vend, do të jetë 16 korriku 2008.

    Në bazë të Ligjit për Arsimin e Lartë, me çeljen e një institucioni publik të Arsimit të Lartë drejtuesit emërohen fillimisht nga Ministri i Arsimit.

    Duhet të kalojë të paktën një vit nga hapja e një universiteti, që të zhvillohen zgjedhjet e para. Kjo për të siguruar numrin e mjaftueshëm të personelit akademik i cilipërbën kontigjentin kryesor për zgjedhjen e drejtuesve.

    Ky universitet nuk u përfshi në zgjedhjet e janarit 2008, muaj kur u zgjodhën drejtuesit e 10 universiteteve të tjera publike, pasi nuk ishin konstituarstafet e duhura akademike.

    Në këto zgjedhje do të marrin pjesë edhe stafi joakademik dhe të gjithë studentët (vota e tyre ka peshën 5% dhe 20%)

    Në dhjetor të vitit 2005 një Vendim i Këshillit të Ministrave vendosi hapjen e universitetit “Aleksandër Moisiu” në Durrës. Ky Universitet fillimisht përbëhej nga 3 Fakultete: Fakulteti i Edukimit, Fakulteti i Ekonomisë dhe Administrimit si dhe shkolla e lartë jouniversitare, me diploma universitare në degët e: Ciklit të ulët, gjuhë angleze, kualifikime pasuniversitare në fushën e mësuesisë dhe të menaxhimit të arsimit, (Fakulteti i Edukimit) shkenca të administrimit, menaxhim turizëm (Fakulteti i Ekonomisë ).

    Në fillim të këtij viti akademik ky universitet do të përbëhet edhe nga një fakultet i ri, i pari në vend që ofron studime të larta të integruar me praktikën (FASTIP).

    {Shekulli}

  • Librat e shkollës do të vijnë me postë

    MASH: Në shtator tekstet do të gjenden në zyra postare, librari dhe shkolla

    Librat e shkollës, nisur nga 1 shtatori, do të gjenden në çdo pikë postare, në çdo librari dhe nëpër shkolla. Këtë e bëri të ditur dje Ministria e Arsimit, përmes zëdhënëses Brikena Kollçinaku. Një vit më parë, prindërit humbën ditë të tëra nëpër radhë para librarive për të blerë librat e fëmijëve. Madje, disa prej tyre nuk arritën të marrin as subvencionin e shtetit, pasi librashitësit u dhanë fatura false. Për të shmangur radhët dhe vështirësinë e mbërritjes së librit te nxënësi, Ministria e Arsimit provon një skemë të re, atë të dërgimit të librit me postë. Sipas zëdhënëses së shtypit, në vitin e ri akademik, pako me tekste shkollore do të ketë në pikat postare të lagjeve në Tiranë dhe rrethe. Po kështu, si pikë shitjeje do të shërbejnë edhe libraritë dhe magazinat e shkollave.

    Shpërndarja e librit në posta vjen si përvojë e re, ndërsa ajo e çeljes së magazinave nëpër shkolla është aplikuar edhe herë të tjera. Kështu, çdo botues do të dërgojë nëpër shkolla librat e porositur dhe do të caktojë një shitës të përbashkët për tregtimin e tyre. Sipas Ministrisë së Arsimit, kthimi i shkollës në pikë shitje bëhet vetëm që të shmangen radhët dhe librat e nxënësve të gjenden kudo pa vështirësi.

    Për sa i përket subvencionit, Ministria e Arsimit bën të ditur se do të përdoret e njëjta skemë si një vit më parë. Kështu, prindërit do të blejnë librat, duke i kërkuar me domosdo shitësit një faturë tatimore me vlerën e mallit që kanë blerë. Këtë faturë duhet ta dorëzojnë në shkollë, me nisjen e vitit shkollor. Drejtorët e shkollave do t‘i mbledhin të gjitha faturat, sepse mbi bazë të tyre bëhet subvencioni. Shteti financon për arsimin e detyruar, duke u kthyer prindërve afro 90 për qind të vlerës së librave. Në vitin shkollor që sapo u mbyll, prindërit u gjenden në vështirësi për të marrë paratë, pasi nuk iu ishin dhënë fatura të sakta nga libraritë ku blenë tekstet shkollore. Megjithatë, në fund të vitit shkollor, Ministria e Arsimit raporton se subvencioni i teksteve u shpërnda në masën 93 për qind. Zëdhënësja e shtypit deklaroi dje se ka përfunduar me sukses procesi i shpërndarjes së fondeve të kompensimit të librit shkollor, pasi janë ndarë 2.5 milionë euro nga fondi i parashikuar për kompensim. Paratë iu dhanë prindërve nëpër zyrat postare. Nisur nga bashkëpunimi i deritanishëm, MASH e sheh Postën Shqiptare si partnere jo vetëm për shpërndarjen e lekëve, por edhe të librave në shtatorin e këtij viti shkollor.

    Aktualisht, në ditët e fundit të punës, mësuesit po përgatisin listat me tekstet që do të zgjedhin nga shtëpitë botuese për vitin e ri shkollor. Sipas reformës së Altertekstit, për një tekst ka tre-katër variante librash të nxjerra në treg nga botues të ndryshëm. Mësuesit duhet të zgjedhin njërin prej tyre. Janë në garë 24 botues këtë vit, të cilët kanë nxjerrë në treg plot 169 teste alternative. Gjatë muajve të verës, ata shtypin afro 6 milionë libra dhe i shpërndajnë nëpër shkolla, librari dhe në pikat postare, nisur nga data 1 shtator.

    {Shqip}

  • Matura, të martën del nota e parë

    Drejtori i AVA-s, Edmond Lulja: Po kryejmë lidhjen e të dhënave nxënës-rezultat

    ota e parë e provimit të letërsisë pritet të bëhet publike ditën e martë, më 24 qershor. Kjo notë që ndryshe quhet e meritës, pritet t‘i japë fund vetëm fazës së parë të etheve për 33 mijë e 400 maturantë. Rezultatet e provimit të parë të maturës, atij të letërsisë, mendohet që të dalin dy ditë përpara parashikimit të bërë nga Ministria e Arsimit dhe drejtuesit e AVA-s. Edmond Lulja, drejtori i Agjencisë Qendrore të Vlerësimit të Arritjeve (AVA), është shprehur dje se po punohet në mënyrë intensive, në mënyrë që maturantët e këtij viti, të njihen me rezultatet e provimit të letërsisë ditën e martë ose të mërkurë. Ndërkohë që zyrtarisht ishte përllogaritur që vlerësimi i testimeve të maturantëve të zgjaste dy javë.

    "Ka përfunduar vlerësimi i testeve të letërsisë nga mësuesit në të katër qendrat e korrigjimit, si në Tiranë ashtu edhe në rrethe, përkatësisht në Fier, Elbasan dhe Shkodër", theksoi drejtori i AVA-s, Lulja. Ai saktësoi më tej se tashmë në qendrën e Tiranës, pranë shkollës "Sabaudin Gabrani", kanë mbërritur të gjitha testet që janë vlerësuar në rrethe. Ky proces, sipas drejtorit Lulja, kërkon edhe disa ditë kohë, për shkak të kompjuterizimit të fletëve të provimit të të gjithë maturantëve, 33 mijë e 400 në total. Kjo ndryshe quhet edhe koha informatike e cila "do të realizohet në dy qendra të ndryshme, prandaj dhe kërkon disa ditë", tregon drejtuesi kryesor i AVA-s. Faza e parë, sipas "menaxherit të maturës", është ndryshimi i bar kodit që ndodhet në çdo fletë provimi, në rezultatin e pikëve të arritura nga nxënësi. Faza e dytë, lidhet me tjetërsimin e bar kodit të personalizuar, në emrin e maturantit. "Dhe së fundi bëhet lidhja e të dhënave, pra emri i nxënësit dhe rezultati që ai ka arritur në provimin e parë të maturës", sqaroi Lulja. Hapin final e hedh vetë ministri i Arsimit, Genc Pollo, përpara se notat e letërsisë të dërgohen në drejtoritë arsimore dhe nga këto të fundit në të gjitha shkollat e mesme të vendit. Në përputhje me rregulloren e Maturës Shtetërore, programi i veçantë kompjuterik, (i hartuar posaçërisht për këtë proces dhe ruajtjen e saj nga "ndërhyrjet dhe tarafet"), do të mund të japë listën e plotë të emrave të maturantëve dhe notave të tyre, në pikë, vetëm në prezencë të një komisioni të posaçëm. Në krye të këtij grupi qëndron ministri Pollo dhe disa specialistë të AVA-s.

    Një numër prej 155 mësuesish të letërsisë, të shkollave të mesme u morën gjatë gjithë këtyre ditëve me vlerësimin e provimeve të maturantëve. Pra, nga data 12 qershor, kur filloi korrigjimi i testeve dhe deri më 19 qershor pasdite, koha kur u mbyll ky proces. Kontrolli i fletëve të provimit ka kaluar në dy duar mësuesish, për të shmangur çdo pasaktësi apo padrejtësi në korrigjim. Secili nga këta arsimtarë, gjatë procesit të vlerësimit të testeve ka dhënë pikët për të paktën 20 apo 30 teste në ditë. Drejtori i Agjencisë Qendrore të Vlerësimit të Arritjeve, Edmond Lulja, thotë që secili grup i dyfishtë i profesorëve ka vlerësuar provimet në mënyrë normale dhe korrekte pa pasur mbilodhje që mund të influenconte në vlerësim. Kjo, sqaron ai, edhe për faktin se pikët e njërit vlerësues për një test verifikoheshin edhe nga vlerësuesi tjetër, për të njëjtën fletë provimi.

    Ndërsa provimi i matematikës, i zhvilluar më 17 qershor, pritet të përfundojë nga korrigjimi në ditët e para të korrikut, edhe ky përpara afatit të përcaktuar nga MASH.

    Më tej, maturantët e këtij viti, së bashku me të rinjtë që kanë dëshirë të ndjekin studimet e larta, do të duhet që t‘u nënshtrohen edhe dy provimeve të lëndëve me zgjedhje, më datën 10 korrik. Të dy testimet për lëndët që i çojnë në degët e preferuara do të kryhen në të njëjtën ditë. Ndërkohë që publikimi i pikëve të fituara në të gjitha provimet, ato të letërsisë, matematikës dhe të lëndëve me zgjedhje, të shumëzuara këto edhe me koeficientët përkatës të fakulteteve mund t‘i ndihmojë të rinjtë që të bëjnë përzgjedhjen apo renditjen e duhur në formularin A2, tashmë i shpallur nga Ministria e Arsimit.


    Matematika


    Filloi dje korrigjimi i testeve


    Dje ka nisur puna për korrigjimin e plot 33 mijë e 400 fletëve të provimit të matematikës, për maturantët e këtij viti. Drejtori i AVA-s, Edmond Lulja, e ka pohuar një lajm të tillë, duke theksuar se ky proces do të ecë me të njëjtat ritme dhe pa probleme njëlloj sikundër edhe ai i lëndës së letërsisë. "Ka filluar puna në të katër qendrat e vlerësimit të testeve, në Tiranë dhe në rrethe", u shpreh drejtori i AVA-s. Sipas tij, në ditët e para të korrikut pritet edhe rezultati i provimit të dytë të Maturës Shtetërore, që do të mbyllë përfundimisht ciklin e shkollës së mesme për këtë brez të rinjsh në vend. Agjencia Qendrore e Vlerësimit të Arritjeve të Nxënësve (AVA), bëri të ditur se fondi i pyetjeve për matematikën ishte pothuaj trefish më i madh se vitin e kaluar. Ndërsa u caktua fondi i plotë i kërkesave, i sistemuar sipas përmbajtjes e niveleve të vështirësisë. Në përputhje me përcaktimin e MASH-it, lloji i testit me të cilin u përballën nxënësit, lidhej me llojin e programit lëndor që ata kishin studiuar në shkollën e mesme dhe mbi bazë të këtyre kritereve, këtë vit u hartuan 7 lloje testesh, në varësi të profilit të arsimit. Ky provim përmbante 25 pyetje, nga të cilat 13 pyetje me përgjigje alternative (13 pikë) dhe 12 pyetje me zhvillim (37 pikë). Pra në total pikët maksimale që mund të marrë çdo maturant pas vlerësimit të testit të matematikës do të jenë 50.

  • Matura, formulari për provimet me zgjedhje deri në 9 korrik

    19 qershor, 16.15- Tiranë- Deri në datën 9 korrik, maturantët duhet të plotësojnë formularin A2, për të përcaktuar prioritetet e tyre për shkollë të lartë dhe lëndët me zgjedhje që do të japin provim.

    Bruna Prifti

    Edhe këtë vit maturantët do të zgjedhin 10 programet e studimit, të renditura sipas preferencave.

    Ministria përmes një udhëzimi ka këshilluar të gjithë maturantët të presin shpalljen e rezultateve të provimeve të detyruara Gjuhë-Letërsi dhe Matematikë, para se ta plotësojnë këtë formular, për të zgjedhur 10 programet e preferuara në bazë të pikëve të grumbulluara.

    Ashtu si edhe një vit më parë, Agjencia Kombëtare e Pranimeve në Institucionet e Arsimit të Lartë (APRIAL) do të realizojë përcaktimin e fituesve sipas parimit Meritë – Preferencë, sipas të cilit:

    1. Parimi i meritës përcaktohet sipas pikëve të grumbulluara në bazë të rezultateve të shkollës së mesme dhe të provimeve të Maturës Shtetërore.

    2. Parimi i preferencës i cili përcaktohet nga vullneti i kandidatëve, i shprehur nëpërmjet preferencës më të lartë të zgjedhur prej tyre.

    Si plotësohet A2, 5 hapat

    Me anën e Formularit A2 merren të dhënat për notën mesatare të shkollës së mesme të maturantit dhe 10 preferencat e tij për programet e studimit në Institucionet e Arsimit të Lartë.

    Për të marrë Formularin A2, nxënësi duhet të ketë kryer pagesën prej 2000 lekësh në një bankë ose në Postën Shqiptare dhe të paraqesë faturën e pagesës së kryer.

    Së pari, maturantët mund të fotokopjojnë këtë formular për tu praktikuar, por duhet të dorëzojnë formularin origjinal të plotësuar. Ata duhet të lexojnë me kujdes udhëzimin për plotësimin e A2.

    Së dyti, mësuesi kujdestar bashkë me maturantin plotësojnë mesataren e shkollës së mesme me numra dhe me fjalë.

    Së treti, pasi është vendosur për programet e studimit të preferuara dhe renditjen e tyre, plotësohet kodi i programit të studimit për secilën preferencë, nga preferenca 1 deri në preferencën e 10.

    Së katërti, pas kësaj në kaudratin pranë programit të studimit, do të vendosni numrin e preferencës. Kodi i programit të studimit, i shënuar te tabela e preferencave, duhet të jetë i njëjtë me atë ku është shënuar numri i preferencës përkatëse. P.sh. nëse në preferencën 1 është shënuar programi i studimit 015, atëherë në kuadratitn pranë programit të studimit 015 duhet të shënohet numri 1.

    Dhe në fund, maturanti, mësuesi kujdestar dhe drejtori i shkollës duhet të plotësojnë emrin, mbiemrin dhe të firmosin formularin A2.

    Si të rendis preferencat?

    Para se të rendisni preferencat duhet të bëni një llogaritje të përafërt të pikëve që keni grumbulluar nga rezultatet e mesatares së shkollës së mesme dhe provimeve të detyruara Gjuhë-Letërsi dhe Matematikë.

    Pas kësaj konsultoni te Guida e Maturës Shtetërore 2008 pikët minimale për çdo program studimi që kanë bërë fitues, kandidatët e një viti më parë.

    Në këtë moment ju do keni një ide se cfarë programe studimi duhet të zgjidhni brenda 10 të mundshmeve.

    Pas kësaj formoni një listë ku programet e studimit i rendisni jo vetëm sipas preferencave, por edhe mundësisë që ju keni për të fituar në këto preferenca. Pra, e para (programi i parë) do të jetë dega që preferoni më shumë dhe, e dyta ajo që preferoni, nëse nuk do të fitoni në Preferencën e parë, e kështu me radhë deri te preferenca 10.

    Është e detyrueshme që të mbushen të 10 kutitë e Preferencave, ndryshe Formulari quhet i pavlefshëm.

    Nëse nuk keni 10 preferenca, kutitë mund t’i plotësoni me tre 0.

Abonohu:
Adresa e-mail