Sekretari i Përgjithshëm i Natos, Scheffer, sot në Tiranë


08-05-2009

Në Tiranë pritet të mbërrijë sot për një vizitë zyrtare Sekretari i Përgjithshëm i Natos, Jaap de Hoop Scheffer.  

Shefer
Zyrtari i lartë i Natos, i cili vjen në Shqipëri pak më shumë se një muaj pas anëtarësmit të Shqipërisë në Aleancën e Atlantikut, do të takohet me kryeministrin Sali Berisha dhe Presidentin Bamir Topi.  

Menjëherë pas mbërritjes në Tiranë, ai do të përshëndesë takimin e ministrave të jashtëm të Komisionit të Partneritetit të Kartës së Adriatikut 5, ku krahas Shqipërisë dhe Kroacisë si vende anëtare marin pjesë edhe Maqedonia, Mali i Zi dhe Bosnje-Hercegovina.

Në takim do të jetë i pranishëm edhe zëvendës ndihmës sekretari amerikan i shtetit Stjuart Xhons i cili ndodhet që prej ditës së djeshme në Tiranë. 

Zoti Xhons u takua dje pasdite me autoritetet më të larta shqiptare, Presidentin Bamir Topi dhe Kryeministrin Sali Berisha, prej të cilëve ka marrë edhe një herë falenderimin për mbështetjen që shtetet e Bashkuara i dhanë Shqipërisë për anëtarësimin në NATO.

Përfaqësuesit e lartë të shtetit shqiptar garantuan sërish se Shqipëria do të vazhdojë të mbetet një partnere dhe aleate besnike e Shteteve të Bashkuara të Amerikës. //ii

Asnjë vlerësim. Bëhu i pari që e jep atë!

Komentet

  • makeup
    Thanks for the tips, maybe I can use this svelte my noesis marketing and I've been use whatsoever ethnical media in try a interaction and they eff handicraft a big friendliness on me.
Abonohu:
Adresa e-mail