Aktualitet

  • NGJARJE E MADHE !


    4 aprile, l’Albania diventa
    membro ufficiale della NATO

    L’associazione albanese
    “Nuova Generazione Albanese” organizza un evento per
    scoprire insieme che “L’Albania sta cambiando” e prosegua
    la strada dello sviluppo, progresso e dell’Integrazione.
    Nel evento parteciperanno i rappresentanti del Corpo
    Diplomatico dell’Albania in Italia, studenti, intellettuali ecc.


    L’evento è aperto al pubblico e si
    svolge il 3 aprile alle ore 10.00 in
    Via Balbi 5, Terzo Piano, Aula IV
  • Transpalanti i parë i veshkave në QSUT

    TIRANË- Përfundon me sukses transplanti i parë i veshkave në vendin tonë.
    Sipas mjekëve, pacientja e parë që iu nënshtrua sot transplantit të veshkës në Qendrën Spitalore Universitare "Nënë Tereza" në Tiranë ndodhet në gjendje të mirë shëndetësore dhe gjendja e saj po ndiqet në vazhdimësi nga grupi i mjekëve. Operacioni zgjati pesë orë, u realizua nga mjekët shqiptarë, asistuar nga ata italianë. Ndërkohë që dhuruesi i veshkës për pacienten 20-vjeçare ishte nëna e saj. Shefi i Nefrologjisë në QSUT-së, Prof. Dr. Nestor Thereska, bëri të ditur në një konferencë për shtyp pas realizimit me sukses të kësaj ndërhyrje se "operacioni në të gjitha parametrat shkoi mire. Në sy edhe të mjekëve italianë ra organizimi i shkëlqyer i punës në sallën e operacionit".
    Sipas mjekëve urologë, kanceri i veshkës po njeh rritje të dukshme gjatë viteve të fundit. Në Klinikën e Urologjisë pranë QSUT-së kryhen rreth 50 operacione në ditë, ku grup-mosha më e prekur është 40-60 vjeç, por nuk mungojnë dhe grupmoshat më të reja. Sipas mjekëve urologë, faktori gjenetik ka rolin e tij në kancerin e veshkave, por ka dhe faktorë të tjerë.


    09.00
    Nis transplanti i parë i veshkave në QSUT

    TIRANË- Ka nisur në Qendrën Spitalore Universitare "Nënë Tereza" ndërhyrja për transplantin e parë të veshkave. Mjekët e këtij spitali asistohen nga mjekë italianë, ndërsa pacientja është një vajzë 20-vjeçare, e cila do të marrë veshkën nga nëna e saj.
    Ndërhyrja, e para e këtij lloji në vendin tonë ka nisur gjysmë ore më parë dhe në varësi të saj, do të parashikohet edhe ecuria e planifikimeve të tjera. Në listë pritje janë shumë pacientë, për të cilët janë gati edhe dhuruesit.
    Ekipi i mjekëve shqiptarë, do të përbëhet nga 6 neurologë, 3 imunologë dhe 5 nefrologë, dhe do të asistohet nga 3 mjekë italianë të klinikës së Barit (Itali).

  • PROMOVOHET LIBRI “SKËNDREBEU I VËRTETË” I AUTORIT FATOS DACI .

    FTESË PËR PJESËMARRJE
    NË PROMOVIM LIBRI



    Prof. Dr. Hasan Çipuri: “Skënderbeu i vërtetë”, i z. Fatos Daci, një libër me vlera të jashtëza-konshme për historinë tonë mbarëkombëtare”


    ME DATËN 21 MARS 2009, ORA 11.00, DITËN E SHTUNË, TE SALLA E MUZEUT HISTORIK KOMBËTAR PROMOVOHET LIBRI “SKËNDREBEU I VËRTETË” I AUTORIT FATOS DACI .

    PJESËMARRJA JUAJ NA NDERON.

    JU MIRËPRESIM!




    SHTËPIA BOTUESE “DIBRA-DACI

  • Albanologët në rrjet

    Krijohet rrjeti ndërkombëtar i albanologjisë. Inaugurimi dje në Berlin vuri në dukje problemet e mëdha që ka sot kërkimi shkencor në shkencat albanologjike. Një strukturë e re private që fton për reformë

    Pengesë? Paragjykimet patriotiste

    Ndërsa Tirana e quan në rrugë e sipër reformën në kërkimin shkencor dhe krijon për herë të parë një qendër albanologjike, në Berlin, në mënyrë krejt private, është arritur që dje të inaugurohet krijimi i INA-s, (International Network of Albanology). Në praninë e Ambasadorit shqiptar në Gjermani, Gazmend Turdiu, u bë hapja e punimeve nga Gerd-Dieter Nehring (Humboldt Universitat zu Berlin). Kryetari i INA-s prof. dr Bardhyl Demiraj, i cili drejton katedrën e shqipes pranë Universitetin e Munihut, prezantoi perspektivat e studimeve albanologjike – në gjuhësi, letërsi, histori, etnologji dhe shkenca e kulturës - në kuadrin e rrjetëzimit shkencor ndërkombëtar

    Tubimi ka pasur në fokus çështjen e përmirësimit të gjendjes aktuale në kërkimin shkencor albanologjik që për hir të së vërtetës “nuk ka arritur të çlirohet prej paragjykimeve patriotiste”.

    Sipas ekspozesë që është bërë dje rezulton se pengesa kryesore me të cilën përballen sot shkencat albanologjike është “tendenca drejt një keqpërdorimi të shkencave albanologjike për interesa të ngushta joshkencore, mungesa e një integrimi të vërtetë në studimet albanologjike të studimeve ballkanistike, indoeuropianistike, romanistike, etj.; qarkullimi i çalë, sporadik dhe tejet i pjesshëm i informacioneve shkencore, albanologjike, shfrytëzimi tepër i kufizuar i mundësive të shumta që ofron përdorimi i mjeteve moderne teknike; përkujdesja e pjesshme për brezin e ri të albanologëve”.

    Sipas “raportit”, një ndër shkaqet e këtij niveli është “hapja tepër e ngadaltë e shumicës dërrmuese të kërkimeve albanologjike ndaj metodave hulumtuese dhe zhvillimeve shkencore moderne.”

    Për të përmirësuar situatën e përshkruar do të themelohej në Potsdam, Gjermani, janarin e shkuar, shoqata jofitimprurëse INA, me anëtarë themelues Bardhyl Demiraj, Wilfried Fiedler, Zuzana Finger, Georgia Kretsi, Erwin Lewin, Elton Prifti dhe Maria Zannini.

    Janë regjistruar deri tani emra të nderuar të shkencave albanologjike, kryesisht gjuhëtarë si Shaban Demiraj, Francesco Altimari, Rexhep Ismajli, etj.

    INA ka shpallur qëllime të vetat në radhë të parë përmirësimin e gjendjes dhecilësisë së studimeve albanologjike; qarkullimin e shpejtë, periodik dhe të plotë të

    informacioneve shkencore albanologjike të mirëfillta, si dhe të atyre me interes për

    disiplinat albanologjike; mundësimin e një bashkëpunimi të vërtetë funksional dhe të vazhdueshëm ndërdisiplinor me fushat simotra komunikuese balkanologjike, indoeuropianistike, romanistike apo orientalistike etj.

    Prandaj shërbimet që ofron INA synojnë që të rrjetëzojnë albanologët dhe të lehtësojë komunikimin mes tyre, të mbledhë, seleksionojë dhe hedhë në qarkullim informacione me interes albanologjik.

    Ka dy vjet që është punuar për të mbërritur tek ky hap i parë konkret “për të futur” albanologët në rrjet. INA ka tashmë një porttal elektronik shumë të mirë: www.albanology.com.

    Drejtori ekzekutiv i rrjetit, Elton Prifti, i cili njihet si ideues dhe projektues i International Netëork of Albanology duke paraqitur punën dhe projektet e shoqatës ka njoftuar përgatitjen e numrit të parë të periodikut shkencor JINA në maj 2009 dhe përgatitjet për organizimin e kongresit të parë ndërkombëtar IN-Albanology, në Berlin në shtator të vitit të ardhshëm. Mendohet që në rrugën e saponisur rrjeti të ketë partnerë foletë e hershme të albanologjisë, Akademinë e Shkencave dheArteve të Kosovës, Ministrinë e Arsimit të Shqipërisë, Universitetin e Tiranës, Prishtinës dhe Tetovës etj.

    {Shekulli}

  • U shpëton tutorëve, merret në mbrojtje nga policia 18-vjeçarja

    Një vajzë 18 vjeçe është marrë në mbrojtje nga ana e policisë, pasi ka ngritur akuza për disa persona që në bashkëpunim me njëri-tjetrin e kanë detyruar me forcë të prostituojë. Sipas të dhënave nga Drejtoria e Policisë së Korçës, 18-vjeçarja me inicialet B.C. nga fshati Leminot i Korçës, ka kërkuar ndihmën e policisë të premten në mbrëmje dhe pasi është marrë në pyetje ka deklaruar se prej disa muajsh ishte mbajtur e izoluar në një shtëpi të marrë me qira në Korçë. Burimet zyrtare të policisë thanë se vajza ka treguar vetëm emrin e njërit prej personave që e kanë detyruar të prostituojë, ndërsa ka akuzuar disa të tjerë, të cilëve nuk u ka zbuluar identitetin. Sipas burimeve policore, nëse deklaratat e vajzës do të vërtetohen, atëherë kemi të bëjmë me një rast tepër të rëndë të shfrytëzimit të prostitucionit në vend. Vajza nga fshati Leminot pretendon se personat që e mbanin të izoluar i sillnin përnatë klientë, të cilëve ishte e detyruar t‘u bindej, madje ndonjëherë e çonin edhe në hotele e motele në Korçë dhe në qytete të tjera. Adoleshentja tha se të premten në mbrëmje kishte arritur të dilte fshehurazi nga shtëpia ku mbahej e mbyllur dhe i është drejtuar për ndihmë patrullës së parë të policisë që i ka dalë përpara. Menjëherë pas marrjes së kallëzimit, policia ka organizuar një aksion për arrestimin e 31-vjeçarit Olsi Bajraktari, i cili është i akuzuari kryesor nga adoleshentja. Bajraktari u arrestua pas mesnate në shtëpinë e tij dhe po pyetet në lidhje me akuzat. Ndërkohë ka nisur puna për verifikimin e deklaratave të vajzës 18-vjeçare dhe identifikimin e personave për të cilët ajo nuk ka dhënë emra, por vetëm përshkrime fizike dhe të dhëna të tjera ndihmëse. Ndërkohë, Policia e Korçës është informuar dje për gjetjen e një vajze e cila ishte zhdukur që nga viti 1997. Aurora Latollari, e vitlindjes 1981, është kthyer dje në Shqipëri nëpërmjet Portit të Durrësit dhe është ndaluar nga policia, pasi ishte shpallur person në kërkim, si e zhdukur. Më 26 janar 2007 familjarët e saj kishin bërë një kallëzim dhe deklaruar se kishin humbur kontaktet me të që prej datës 25.09.1997. Nga deklarimet e vajzës mësohet se për disa vite ajo ishte shfrytëzuar si prostitutë, ndërsa më pas kishte denoncuar tutorët dhe kishte filluar një jetë të re në Itali.

    {Shqip}

  • Pakt i fshehtë për 4 varreza greke

    Athine / Arjan Qendro

    Një tjetër temë e nxehtë mund t'i shtohet shumë shpejt axhendës problematike të marrëdhënieve mes Shqipërisë dhe Greqisë. Burime nga Ministria e Jashtme greke informojnë orët e fundit për një presion në rritje të Athinës mbi Tiranën zyrtare, lidhur me çështjen e varrezave të ushtarëve grekë që luftuan në Shqipëri në kohën e luftës italo-greke. Burimet diplomatike thanë për MAPO-n se i gjithë diskutimi i palëve po përqendrohet në një marrëveshje  që do të nënshkruhet mes dy qeverive së afërmi dhe e cila është në përfundim e sipër. Mësohet se bisedimet e radhës do të mbahen në muajin korrik dhe se pala greke ka propozuar tashmë që pala shqiptare të marrë në shqyrtim disa elemente që mund të jenë mjaft delikate, brenda një dosjeje po kaq delikate.
    Sipas propozimit grek, nuk do të jenë një, dy apo tri varreza memoriale të ushtarëve grekë në Shqipëri, por plot katër të tilla. Gjithmonë sipas palës greke, ato kërkohet të ndërtohen në Këlcyrë, Ersekë, Çiflig të Korçës dhe Bularat. Pra, Kosina dhe konflikti që ajo shkaktoi, kur në maj të 2006-ës u zhvarrosën eshtrat e banorëve të zonës me pretekstin e gjetjes së varreve të ushtarëve grekë, nuk e kanë ndalur siç shihet projektin e Athinës për të krijuar varreza ushtarësh në disa lokalitete të Jugut.
    Një element tjetër delikat mbetet ai i identifikimit të numrit të ushtarëve grekë të rënë në vendet ku kërkohet të ndërtohen varrezat në fjalë. Deri më sot shtypi shqiptar ka informuar pjesërisht rreth këtij problemi. Sipas raporteve të mediave, rezulton për shembull se në mauzoleum e Grykës së Këlcyrës bashkë me eshtrat e ushtarëve grekë ishte planifikuar edhe vendosja e eshtrave të zhvarrosura në fshatrat e Përmetit. Sipas banorëve të kësaj zone, në afërsi të Grykës së Këlcyrës kanë qenë vetëm 36 varre të ushtarëve grekë të vrarë në betejën e malit të Golikut nga trupat e batalioni italian, "Ujqit e Toskanës". Mbetet ende e paqartë pjesa tjetër e të rënëve grekë në Ersekë, Bularat apo në rrethin e Korçës. Ndërkaq në projektmarrëveshje mësohet se do të përfshihet edhe zgjerimi i nocionit të të rënëve, duke futur në të edhe personelin teknik apo klerikët që shoqëronin ushtrinë greke gjatë asaj beteje me pushtuesit italianë në tokën shqiptare. Nuk është e vështirë të kuptohet, duke parë shpejtësinë dhe dëshirën e ethshme të palës greke për të aprovuar marrëveshjen në fjalë me palën shqiptare, sesa me rëndësi konsiderohet në Athinë problemi i "legalizimit" dhe i përmbylljes së një pike të nxehtë në marrëdhëniet tona, - atë që ka të bëjë me ushtarët e luftës italo-greke.
    Një problem që ka qenë gjithmonë sensitiv mes dy vendeve dhe që është shtyrë për vite me radhë pa gjetur një zgjidhje përfundimtare. Deri në vitin 2005, kur në pushtet ishin socialistët, përgjigjet e Tiranës zyrtare në atë kohë ishin diplomatike dhe evazive. Nënteksti kuptohej, kjo çështje prekte e prek dhe sot një shqisë të ndjeshme të së shkuarës, e cila lidhet jo vetëm me rolin e italianëve e grekëve në atë konflikt, por edhe të çamëve të Greqisë, të cilët u skeduan më së shumti në bazë të kësaj ngjarjeje si "aleatë të fashizmit". Për këtë arsye, çdo hap i hedhur në drejtim të nderimit të të rënëve grekë të asaj kohe nuk mund të mos ekspozojnë anën tjetër të problemit, e cila prek shqiptarët.
    Nën këtë prizëm u konsumua edhe incidenti i Kosinës i dy vjetëve më parë. Që nga ajo kohë qeveria e zotit Berisha është akuzuar mjaft shpesh për një linjë të butë ndaj Athinës Zyrtare të drejtuar nga qeveria e djathtë e Karamanlis. Zhvarrimet abuzive të Kosinës (në të cilat u përfshi paradoksialisht edhe Kisha Ortodokse Autoqefale e Shqipërisë), ku në vend të ushtarëve u zbuluan eshtra fëmijësh, vunë në një pozitë të sikletshme Kryeministrin Berisha.
    Nuk dihet nëse është pikërisht kjo politikë koncesionesh shtysa kryesore për kërkesën e fundit të palës greke që varrezat e ushtarëve grekë të shkojnë në katër të tilla në jug të Shqipërisë. Gjithsesi ky akt vendoset në një panoramë lëshimesh nga ana e qeverisë tonë, e cila rregullisht ka ceduar përballë presioneve të qeverisë greke.
    Mjafton të kujtohet se në maj të këtij viti, ministri i Mbrojtjes i Greqisë, Maimarakis, anuloi vizitën e tij në Tiranë, vetëm për shkak të problemit të varrezave greke në tokën tonë. Nga ana tjetër nuk ka sesi të mos bjerë në sy fakti tjetër po kaq i pazakontë. Greqia dhe Shqipëria nuk kanë nënshkruar që nga janari i vitit 2006 një marrëveshje dypalëshe mes tyre, përjashtuar rinovimin e marrëveshjes rutinë për dërgimin e të sëmurëve tanë në spitalet greke. Kjo pauzë flet qartë për nivelin e ulët faktik të marrëdhënieve pa anashkaluar edhe shtyrjen e ratifikimit të MSA mes vendit tonë dhe BE nga ana e parlamentit grek, ose mosnjohjen e Kosovës, nëse marrëdhëniet do të shiheshin në një prizëm më të gjerë.
    Propozimi grek për varrezat e luftës italo-greke pret përgjigjen e palës shqiptare. Bisedimet e korrikut do të nxjerrin një konkluzion ndoshta final lidhur me kërkesat greke, por burime diplomatike në Athinë besojnë se një akord i pranueshëm për palët do të arrihet mjaft shpejt. Mbetet të shihet nëse ai do të jetë i kënaqshëm edhe për opinionin publik shqiptar, i cili siç ka ndodhur në raste të ngjashme ka reaguar mjaft ashpër ndaj hapave të iniciuara në Athinë dhe të firmosura në Tiranë.
    Marrë nga revista “MAPO”

    {PanoramaOnline}

  • Albana Margjeka, Verdwenen te Ham-sur-Heure/Nalinnes op 15 januari 2008 .

    Albana Margjeka
    Verdwenen te Ham-sur-Heure/Nalinnes op 15 januari 2008 .
    Persoonsbeschrijving:
    Feiten
    Op dinsdag 15 januari 2008 omstreeks 14.00 uur verliet de 30– jarige , Albana MARGJEKA, haar woning te HAM-SUR-HEURE/NALINNES, rue Bois Rombut.
    Sindsdien ontbreekt elk spoor van haar.

    Mevr. MARGJEKA is 1m65 groot en heeft een magere lichaamsbouw.
    Ze heeft zwart kortgeknipt haar.
    Op het ogenblik van haar verdwijning was zij gekleed in zwarte sportkledij
    Het is mogelijk dat zij zich verplaatst aan boord van een blauw-groene VW GOLF met nummerplaat XQM 558.
    Getuigenissen:
    Heeft u Albana Margjeka gezien of weet u waar Albana Margjeka verblijft, gelieve dan contact op te nemen met de politie via het gratis nummer :
    0800 / 91.119

    BRON: www.fedpol.be

    Afkomst van de vermiste persoon:

    Stad: HAM-SUR-HEURE/NALINNES
    Land: België

    http://www.crimesite.be/vermist/index.asp}

  • Zhdukja misterioze e shqiptares në Belgjikë

    18 qershor, ora 8:30 - Një 30-vjeçare shqiptare është zhdukur në rrethana misterioze nga Belgjika, ku jetonte prej disa vitesh. Me kërkesë të homologëve belgë, policia shqiptare ka nisur kërkimet për të rënë në gjurmët e Albana Margjekës, 30-vjeçe, e cila është larguar rreth pesë muaj më parë nga banesa e saj në Hamsur Heure/Nalinnes, rruga Bois Rombut në Belgjikë.

    Klodiana Kotorri

     

    Albana Margjeka, nuk dihet ku ndodhet - DISPARU
    TIRANË- Një 30-vjeçare shqiptare është zhdukur në rrethana misterioze nga Belgjika, ku jetonte prej disa vitesh. Me kërkesë të homologëve belgë, policia shqiptare ka nisur kërkimet për të rënë në gjurmët e Albana Margjekës, 30-vjeçe, e cila është larguar rreth pesë muaj më parë nga banesa e saj në Hamsur Heure/Nalinnes, rruga Bois Rombut në Belgjikë.

    Policia belge ka kërkuar prej muajsh për gjetjen e Margjekës, e pasi nuk ka mundur ta gjejë atë, i ka kërkuar ndihmë policisë shqiptare. Drejtoria e Përgjithshme e Policisë së Shtetit, me anë të një deklarate për shtyp të lëshuar ditën e djeshme kërkon ndihmën e komunitetit, me qëllim gjetjen e Margjekës.

    Burime nga policia thanë se 30-vjeçarja është larguar mesditën e datës 15 janarit të këtij vitit nga banesa e saj në Belgjikë dhe që atëherë nuk është kthyer më. Mësohet se familjarët e saj nuk kanë mundur ta gjejnë, duke kërkuar ndihmën e policisë belge. Kjo e fundit nisi menjëherë kërkimet për gjetjen e 30-vjeçares, por pa sukses.

    Burime nga policia thanë për “Shekullin” se në Ministrinë e Jashtme ka mbërritur dhe shkresa zyrtare e policisë së Belgjikës, me të cilës tëdhënat e Margjekës.
     
    Më pas, shkresa e shpalljes në kërkimi ka kaluar Interpol Tiranës, ndërsa Policia e Shtetit ka kërkuar ndihmën e qytetarëve për të informuar mbi vendndodhjen e 30-vjeçares. Të njëjtat burime thanë se dyshohet që Margjeka të ketë hyrë në Shqipëri me identitet të rremë, ndaj dhe kanë nisur verifikimet menjëherë pas mbërritjes së shkresës belge.

    Policia bën të ditur të dhënat e të zhdukurës duke treguar se ajo është rreth 1.65 cm e gjatë, është me trup të dobët dhe flokët i ka të zinj të prerë shkurt.

    Në momentin e zhdukjes, ajo ishte veshur me rroba sportive në ngjyrë të zezë. Margjeka është parë të lëvizë me mjetin e saj tip “Golf” ngjyrë blu-jeshil me targë XQM 558. Policia e Shtetit në deklaratën e saj për shtyp u lutet personave të cilët kanë dijeni për vendndodhjen e Albana Margjekës të kontaktojnë me shërbimet e Policisë së Shtetit ose në numrin pa pagesë 129.
     
    Ndërkohë që policia ka nisur hetimet për të verifikuar nëse e zhdukura ka hyrë në Shqipëri gjatë pesë muajve, kohë kur ajo është deklaruar e zhdukur nga shtëpia e saj në Belgjikë.

    {Shekulli}

  • Athinë: Presidenti Topi i mbyll gojën Tadicit

    13.06.2008
    Në Samitin e Presidentëve të Evropës Juglindore, që mbahet në Athinë, Presidentit shqiptar Bamir Topi i është dashur ti tregojë vendin homologut të tij serb, Boris Tadiç. Pikërisht ky i fundit në fjalën e tij ka akuzuar shqiptarët e Kosovës për shkatërimin dhe djegien e manastireve serbe në Kosovë nga viti 1999 deri në vitin 2004...

    Kosova tashmë është e pavarur. Shqipëria në NATO. Vendet e tjera ballkanike kanë patur zhvillime tejet pozitive, ndërkaq duket se Serbia ka mbetur në vend numëro. Pavarësisht se nga kush përfaqësohet, Tadiçë a Koshtunicë, ajo mbetet përherë e njëjta, gati për të kujtuar tmerret e luftës dhe gati për të provokuar e ndezur gjakrat në Ballkan.

    Kjo ka qënë përgjigja e presidentit Topi i cili i ka kujtuar Tadiçit se u ka mbetur ora prapa në ngjarje të dhimbshme sikurse lufta e përgjakshme e Kosovës. “Tadiç të mos kujtojë luftën në Ballkan. TË lëmë mënjanë të kaluarën e dhunshme”, iu përgjigj presidenti shqiptar homologut të tij “të moderuar” serb.

    (start)