STUDENTI I SË DREJTËS “ne jemi nën kushtetutën, por kushtetuta është ajo çfarë gjyqtarët thonë se është”. (charles evans hughes)
STUDENTI I SË DREJTËS

Mirësevini

  • Partitë Shqipëtare sigurojnë 30 deputetë

    Partitë Shqipëtare sigurojnë 30 deputetë

    16.06.2008
    Kryetari i KSHZ-së në Maqedoni, Jovan Josifovski në konferencën e sotme për media bëri të ditur numrin e saktë të deputetëve që fituan partitë në zgjedhjet e parakohshme parlamentare. Sipas të dhënave të KSHZ-së, koalicioni i udhëhequr nga VMRO-DPMNE ka fituar 63 deputetë, Koalicioni i prirë nga LSDM ka fituar 27 deputetë, Bashkimi Demokratik për Integrim 18 deputetë, Partia Demokratike Shqiptare 11 deputetë dhe Partia për Ardhmëri Evropiane 1 deputetë.

    Në shtabin e VMRO-DPMNE deklarojnë se së shpejti lideri i tyre Gruevski do të fillojë negociatat për formimin e koalicionit, por duke mos dhënë detaje të tjera plotësuese.(start)

    Zgjedhjet: BDI është e preferuara e Shqipëtarëve16.06.2008
    Fitore bindëse, gati të dyfishtë, ka shënuar Bashkimi Demokratik për Integrim (BDI) në taborin politik shqiptarë, kanë treguar rezultatet e para të dala nga votimet e përsëritura të ditës së diel, që i kanë kumtuar në këtë parti...

    Sipas këtyre rezultateve BDI ka fituar 18 ose 19 deputetë, kurse Partia Demokratike Shqiptare (PDSH) vetëm 10 deputetë, ndërkaq qw Partia për Prosperitet Demokratik (PPD) ka humbur mandatin të cilin e fitoi më 1 qershor. Është ky epilogu i zgjedhjeve parlamentare i cili e ka nxjerrë BDI-në si fitues absolute të këtyre zgjedhjeve, pas përsëritjes e cila ndodhi për shkak të incidenteve dhe parregullsive të shumta që ndodhën dy javë më parë. Megjithatë, disfata e këtillë nuk qenë pengesë që PDSH të shpallë sërish fitore absolute në zgjedhje, gjë që e ka bë zëdhënësi Adriatik Imeri. Fitoren e këtillë nuk e ka “konfirmuar” publikisht kryetari i PDSH-së Menduh Thaçi, që ka qenë edhe sinjali i parë se kjo parti mund të ketë pësuar disfatë. Sinjali tjetër ka qenë fakti se edhe përkundër shpalljes së “fitores bindëse”, simpatizantët e PDSH-së nuk kanë dalë nëpër rrugët e Tetovës për të festuar, sikurse dy javë më parë. Në PDSH të dielën në mbrëmje nuk kanë dalë me kurrfarë rezultati për zgjedhjet e përsëritura. Këtij rezultati i ka paraprirë proces i qetë zgjedhorë, në të cilin nuk është shënuar ndonjë incident më i rëndë, me çka janë paraqitur gjasa për përmirësim të pasqyrës së keqe e cila u krijua për vendvotimet në rajonet shqiptare dy javë më parë. Në orën 19 janë mbyllur vendvotimet në njësitë zgjedhore një, dy dhe gjashtë. Të drejtë vote në këto vendvotime patën 161.874 qytetarë, mirëpo kanë votuar rreth 50 për qind prej tyre. Një ditë më parë të drejtën për votim patën mundësi ta realizojnë 454 persona të zhvendosur brenda vendit, 180 persona, të cilët janë në vuajtjen e dënimit me burg apo në paraburgim dhe personat e sëmurë. Sipas të dhënave të fundit që i publikoi KSHZ-ja, jehona deri në orën 17 ishte 43,22 për qind. Komisioni Shtetëror i Zgjedhjeve rezultatet e para nga zgjedhjet i shpall në afat prej 12 orëve, ndërsa ato përfundimtare 24 orë pas përfundimit të votimit.
    Edhe të dielën nuk kanë munguar akuzat e ndërsjella mes dy partive shqiptare për tentime për vjedhje të votave. Në BDI kanë akuzuar se janë regjistruar shumë tentime të PDSH-së për prishjen e procesit zgjedhor, akuzoi zëdhënësja e BDI-së Ermira Mehmeti në konferencën për shtyp në Reçicë të Madhe të Tetovës. Ajo tha se ka pasur incidente dhe parregullsi në të gjitha tre njësitë zgjedhore ku është rivotuar. Sipas zëdhënëses, në Reçicë të Madhe janë vjedhur 3.000 fletëvotime, material të cilin, siç tha, PDSH-ja mund ta keqpërdorë për falsifikim. "Në fshatin Logjë mungojnë 240 fletëvotime. Në Zherovjan është regjistruar një person se si voton më shumë herë. Në Trebosh aktivistë të PDSH-së kanë mbushur kuti, dhe policia nuk i ka mbikëqyrur", tha Mehmeti. Zëdhënësja e BDI-së shtoi se në njësinë zgjedhore gjashtë aktivistë të PDSH-së të cilët kanë marrë pjesë në parregullsitë zgjedhore të 1 qershorit tani janë mbikëqyrës në vendvotimet. Ajo shtoi se në Kondovë Afrim Serati ka sulmuar në person pasi që ai ka votuar. Në fund ajo iu falënderua të gjithë votuesve të cilët e kanë dëgjuar këshillin e tyre dha kanë dalë në rivotim me çfarë, siç theksoi është arritur jehonë e madhe. Zëdhënësi i PDSH-së Adriatik Imeri tha se KSHZ-ja dhe MOST e kanë konstatuar atë që PDSH-ja me vite thonte se në Zajaz dhe Osllomej nuk ka votim. "Në Zajaz dhe Osllomej nuk ka votim, por ka një agjenci turistike 'Zajas turs' e cila i shëtit votuesit e ashtuquajtur nga një vendvotim në vendvotim tjetër", deklaroi Imeri. Sipas PDSH-së, ditën e sotme e shënuan edhe një seri incidentesh tjera, siç janë vjedhja e materialit zgjedhor në Reçicë të Madhe nga ana e Xhevad Ademit dhe drejtorit të shkollës fillore, kundër të cilëve PDSH-ja sot ka ngritur padi penale. Imeri shtoi se ka pasur vjedhje të votave në Likovë dhe tentim të pasuksesshëm në Forinë. Ai theksoi se pas fitores së sotme i pret punë e madhe, realizim i të drejtave shqiptare dhe realizim i platformës së PDSH-së.

    Lista e deputetëve shqiptarë në bazë të rezultateve të para

    BDI: Blerim Bexheti, Ermira Mehmeti, Fehmi Jonuzi (NJZ 1), Xhemail Jashari, Safet Neziri, Zymrete Jakupi, Hajrulla Misini (NJZ 2), Fazli Veliu, Tahir Hani (NJZ 5), Ali Ahmeti, Teuta Arifi, Rafiz Haliti, Talat Xhaferi, Xhevat Ademi, Lindita Qazimi, Adnan Jashari, Hisen Xhemaili, Luljeta Marku, Vullnet Ahmeti ? (NJZ 6)

    PDSH: Imer Selmani (NJZ 1), Abedin Zyberi (NJZ 2), Arben Xhaferi (NJZ 5), Menduh Thaçi, Besim Dogani, Meral Uzeiri - Ferati, Imer Aliu, Sulejman Rushiti, Sadije Ilazi, Daut Rexhepi ? (NJZ 6)

    Ahmeti: Vullneti i popullit nuk mund të mposhtet

    “Vullneti i popullit nuk mundet të mposhtet”” ka deklaruar menjëherë pas shpalljes së fitores së partisë tij, kryetari i BDI-së Ali AHmeti. Ai ka apeluar te simpatizantët e tij që ta festojnë fitoren në mënyrë të qetë dhe pa të shtëna. Kryetarii BDI-së ka shtuar se rivotimi i ditës së diel ka dëshmuar se shqiptarët e Maqedonisë janë popull i civilizuar që dinë ta shfrytëzojnë të drejtën e tyre demokratike.

    Policia arreston “sigurimsin” e Refet Elmazit

    Policia të dielën arrestoi pjesëtarin e saj që është truproje i zëvendësministrit të Punëve të Brendshme, Refet Elmazi.
    Bëhet fjalë për personin me inicialet R.A., i cili është arrestuar në afërsi të shkollës fillore në fshatin Kamjan ku mbaheshin votimet. Forcat speciale kanë arrestuar në Bogovinë rreth orës 17.00, Ramadan Imerin, pjesëtar i policisë pasi ka poseduar armë pa leje. I njëjti person akuzohet për rrahjen e operatorit të TV “Alsat”, dhe pas këtij incidenti ishte i pezulluar nga puna. (lajm)

    {Albeu}

  • Të panjohura nga Kalaja e Tiranës

    Një fakt i ri dhe entuziast për arkitekturën dhe inxhinierinë e viteve tridhjetë, vjen nga monumenti befasues. Një hark i realizuar sipas një projekti perëndimor; një hark tipik i arkitekturës së përtejdetit. E sa i takon funksionit të harkadës, rebusi u zgjidh si me magji nga zbulimi i disa projekteve në arkivin e ndërtimit

    Nga Artan Shkreli

    Sat, 14 Jun 2008 08:45:00

    Një fakt i ri dhe entuziast për arkitekturën dhe inxhinierinë e viteve tridhjetë, vjen nga monumenti befasues. Një hark i realizuar sipas një projekti perëndimor; një hark tipik i arkitekturës së përtejdetit. E sa i takon funksionit të harkadës, rebusi u zgjidh si me magji nga zbulimi i disa projekteve në arkivin e ndërtimit

    Me siguri në të ardhmen do të shkruhet shumë mbi Kalanë e Tiranës dhe mbi farën qytetformuese që kjo strukturë e lashtë hodhi mbi Tiranën (Tyrcan-Tyrcanos) bizantine. Do të shkruhet edhe mbi momentin kur perandori i madh Justinian, aty nga 635 m.K., vendosi të riparojë kështjellën e vjetër romake në fushën e Tiranës, për të rritur mbrojtjen e Durrësit prej Ostrogotëve. Por e gjithë kjo u mbulua prej territ që kaploi këtu me mbërritjen e sllavëve dhe me rrënimin e rendit romak në Iliri. Ato pak mure që duket se kanë ngelur, por që nuk janë zbuluar krejtësisht, flasin vërtet më shumë së ç’mendojmë sot. Dhe kjo përbën një joshje të vijueshme që duket se do të vazhdojë për shumë kohë. Them kështu, pasi edhe një fakt i vogël e i parëndësishëm ndërtimor që ka lënë gjurmë në muret e kalasë, shndërrohet nga puna hulumtuese e studiuesit në një histori kërshërore dhe në emblemë të një qytetërimi koherent të cilin Tirana, nga sa duket, e kish përqafuar vetëdijshëm në një moment fatlum të ekzistencës së saj: në vitet tridhjetë.

    Pikërisht ky është motivi i shkrimit, një fakt i vogël. Bëhet fjalë për rudimentet e një harkade “moderne” ngurtësuar në trupin e murit kryesor të kalasë.

    Në vitin 2002, gjatë restaurimit të murit kryesor, të atij që shihet aq mirë sot nga rruga, u patën rilevuar edhe thembrat e portës së shkatërruar nga Bushatllinjtë (sot të rindërtuar), dhe me atë rilevim lidhet edhe zbulimi i kullave të kalasë të varrosura prej shekujsh nën dhe. Gjithsesi, menjëherë në të majtë të Portares, së rindërtuar binte në sy (sikundër bie edhe sot) njëfarë portali tjetër me hark, krejt i pazakontë e i murosur i shëmtuar me copa gurësh të palatuar.

    Po ç’qe ky hark? Kjo ishte një pyetje vërtet kërshërore. Nuk ishte e qartë nëse qe portare a diçka tjetër, pasi zhvillimi planimetrik i oborrit të kalasë nuk sugjeronte ndonjë gjë të madhe. Edhe forma e saj nuk qe tipike. Funksioni i atij harku dukej se duhet të kish rënë me kohë, pasi në një kohë të mëvonshme ai qe murosur për të mundësuar ndërtimin e disa wc-ve të repartit të policisë aty pas murit. E meqenëse këto ëc qenë bërë pas luftës (L2B), del se edhe murosja e harkut qe bërë pas luftës. E si të mos mjaftonte ajo murosje barbare, në këtë mur qe lënë edhe një dritare e vogël për të ajrisur lokalin sanitar (!). E tash vonë, edhe ajo dritare është murosur. Mbi këtë wc të improvizuar, mbulesa prej betoninuk kuptohet përse, pasi për të mbuluar wc-në nuk do kish nëvojë për konsolin që del jashtë gjurmës së murit.

    Dekualifikimi vizual që solli kjo mënyrë e trajtimit e ndërtesës më “interesante” të Tiranës, bëri më pas që të ish e thjeshtë për të vënë dorë edhe mbi vetë muret masive të kalasë kur Kinema Pionieri u ndërtua bash mbi to.

    Vazhdo leximin

  • Athinë: Presidenti Topi i mbyll gojën Tadicit

    13.06.2008
    Në Samitin e Presidentëve të Evropës Juglindore, që mbahet në Athinë, Presidentit shqiptar Bamir Topi i është dashur ti tregojë vendin homologut të tij serb, Boris Tadiç. Pikërisht ky i fundit në fjalën e tij ka akuzuar shqiptarët e Kosovës për shkatërimin dhe djegien e manastireve serbe në Kosovë nga viti 1999 deri në vitin 2004...

    Kosova tashmë është e pavarur. Shqipëria në NATO. Vendet e tjera ballkanike kanë patur zhvillime tejet pozitive, ndërkaq duket se Serbia ka mbetur në vend numëro. Pavarësisht se nga kush përfaqësohet, Tadiçë a Koshtunicë, ajo mbetet përherë e njëjta, gati për të kujtuar tmerret e luftës dhe gati për të provokuar e ndezur gjakrat në Ballkan.

    Kjo ka qënë përgjigja e presidentit Topi i cili i ka kujtuar Tadiçit se u ka mbetur ora prapa në ngjarje të dhimbshme sikurse lufta e përgjakshme e Kosovës. “Tadiç të mos kujtojë luftën në Ballkan. TË lëmë mënjanë të kaluarën e dhunshme”, iu përgjigj presidenti shqiptar homologut të tij “të moderuar” serb.

    (start)

  • Kurti: Prishtina zyrtare duhet ta refuzojë planin e Ban Ki-Moonit kategorikisht

    14.06.2008
    Udhëheqësit e institucioneve të Kosovës bashkë me opozitën, kanë pranuar në parim dokumentin e kreut të OKB-së, Ban Ki-Moon, për rikonfigurimin e UNMIK-ut. Mirëpo, kundër këtij plani është shprehur lideri i...

    Mirëpo, kundër këtij plani është shprehur lideri i Lëvizjes Vetëvendosje Albin Kurti.

    Kurti, në një intervistë për Radion “Evropa e Lirë”, ka thënë se Prishtina zyrtare duhet ta refuzojë planin e Ban Ki-Moonit kategorikisht dhe parimisht, sepse sipas tij, ky plan hap shtegun për kantonizimin e Kosovës.

    I pyetur se çfarë mendon se do të prodhojë plani i Ban Ki Moonit, Kurti shprehu mendimin e tij se sekretari i përgjithshëm po provon që të fillojë një raund i ri negociatash ndërmjet Prishtinës dhe Beogradit, me ç’rast kryeadministratori i ri i UNMIK-ut, që ai do ta caktojë apo emërojë së shpejti, do të ishte ndërmjetësuesi i radhës.
    “Do të mund të thuhej që Ban Ki Moon me këtë letrën e tij – një letër për Tadiçin e tjetra për Sejdiun – në fakt e ka hapur shtegun për kantonizim të Kosovës”, është shprehur ndër të tjera lideri i Lëvizjes “Vetëvendosje”.
    (telegrafi-start)

  • Comment Bruxelles veut contourner un non irlandais

    UNION EUROPÉENNEComment Bruxelles veut contourner un non irlandais

    Alors que les Irlandais se prononcent sur le traité de Lisbonne, The Daily Telegraph assure que les dirigeants du pays et les autorités européennes ont déjà prévu les moyens d'appliquer le texte.

    AFP

    DE BRUXELLES,
    De hauts responsables à Bruxelles préparent des plans pour s'assurer que le traité de Lisbonne sera bien appliqué ailleurs au cas où l'Irlande le rejetterait par référendum. Des mesures comme la création d'un président de l'Union européenne (UE), d'un ministre des Affaires étrangères et de services diplomatiques seront peut-être retardées, mais elles devraient malgré tout finir par être mises en place.

    A en croire un diplomate, un "mécanisme de soudure" serait en discussion. Si l'Irlande rejette le traité, peut-être sera-t-elle simplement retirée de la liste des signataires. Elle ne serait ainsi pas légalement contrainte d'en respecter les clauses.

    D'ici à la fin de 2009 ou au début de 2010, quand la Croatie entrera dans l'UE, un "traité d'adhésion" ayant valeur d'amendement sera voté par tous les membres, y compris Dublin. Il comprendrait une série de protocoles prévoyant sur le papier des "issues" aux problèmes que l'Irlande peut avoir avec l'UE, comme les pouvoirs fiscaux ou une plus grande coopération militaire.

    Ces textes ne seraient pas sans rappeler les clauses d'exemption dont dispose le Royaume-Uni sur la Charte des droits fondamentaux et les questions sociales dans le traité de Lisbonne actuellement ratifié à Westminster. Comme le reste de l'Europe, l'Irlande n'organise pas de référendums sur les traités d'élargissement de l'UE. Avec les nouveaux protocoles, Dublin pourrait faire passer un traité d'adhésion au Parlement irlandais sans avoir recours à une consultation du peuple.

    "Ce mécanisme ne serait pas plus incompréhensible ou légaliste que le traité lui-même", déclare-t-on de source officielle. "Il n'est probablement pas plus compliqué que les allées et venues qui ont été nécessaires pour transformer le Traité constitutionnel en traité de Lisbonne après son rejet par les Français et les Néerlandais. Tout est une question de temps."

    Ces dernières semaines, les responsables irlandais se sont réunis à huis clos pour débattre de la possibilité d'une application du traité, avec ou sans référendum. Lors de discussions portant sur la création d'un corps diplomatique européen, les 7 et 13 mai, les diplomates irlandais ont défendu leur position sur la composition du Service d'action externe européen et le rôle du futur ministre des Affaires étrangères de l'UE.

    Les minutes secrètes de ces rencontres, que le Daily Telegraph a pu examiner, montre que Bobby McDonagh, représentant de l'Irlande auprès de l'UE, a plaidé auprès de ses collègues afin que ces négociations et la position de Dublin restent confidentielles. "[Nous] devons nous montrer prudents quant à la façon de présenter ces questions !"

    /Bruno Waterfield-
    &CourrierInternational
  • Deshton projekti "Dua te luaj"

    E Enjte, 12 Qershor 2008

    Nje vogelush duket i zhgenjyer teksa i afrohet minikendit te lojerave prane Kopshtit nr. 11 ne Tirane. Pasi ka arritur te kaloje me sukses nje grumbull plehrash me hunden e zene me duart e vockla, ai i afrohet kolovajzes, por ajo eshte kthyer ne nje hekur, pa ndenjese. Tenton t'i afrohet lishareses, por nuk ka zinxhire ku te "perkundet". Koshat e zhdukur te basketbollit nuk e zhgenjejne shume, sepse ai eshte ende i vogel per te lozur me to. Djali largohet pa marre nje pergjigje se c'ka ndodhur me kendin e projektuar enkas per te dhe moshataret e tij... Kendi i Lojerave ne fjale, i cili gjendet fare afer me Kopshtin nr. 11 ne kryeqytet nuk e ka mbushur ende vitin. Ai ka vetem, 7 muaj jete, e megjithate, asnje loje e parashikuar qe te luhet aty, nuk eshte e mundur. Ata qe nuk e dine cka ndodhur me ate kend, mund te mendojne se faji eshte pikerisht i femijeve plangprishes qe kane lozur aty, apo edhe i te rriturve, duke tentuar t'u rikthehen lojerave te femijerise. Por ne te vertete nuk eshte keshtu. Prishja e kendit ne kuadrin e projektit "Dua te luaj", ka filluar vetem 3 dite pas inaugurimit, dite kur u prish timoni i kolovajzes. E pra, misioni per te cilin eshte ndertuar ai kend lojerash, jo vetem nuk eshte permbushur, por akoma me keq: Femijeve vetem sa u eshte hapur oreksi me te. Per ta shijuar nuk kane pasur mundesi, sepse sa hap e mbyll syte, ai ka filluar te shperbehet... Ata kane shume me te lehte te lozin "luftash", "mesuesish", apo "shitesish" , sepse te pakten me keto lojera nuk rrezikojne t'u bjere ndonje hekur persiper. Ende pa perfunduar mire zbatimi i projektit "Dua te luaj", ai ka deshtuar. Ndersa parate jane shpenzuar per ndertimin e tij nga taksat e qytetareve, te cilet as qe mund t'i cojne femijet t'i argetojne ne kendet per te cilat kane kontribuuar vete.

    3 Dite Pasi u ndertua minikendi "Dua te Luaj", filloi te prishet. Ndersa sot, pas 7 muajsh gjithcka eshte kthyer ne nje fushe me hekurishte, te shoqeruara nga prania e plehrave

    {KohaJone}

  • Udhëzimi i MASH për konkursin për Artet, Sportet, Arkitekturën

    Maturantët që do të pranohen në këto Institucione, përveç rezultateve të Maturës Shtetërore do tu duhet të jenë të suksesshëm edhe në këto konkurse

    Ministria e Arsimit dhe Shkencës publikoi dje udhëzimin për organizimin e konkurseve të pranimit që do të realizohen në disa Institucione publike të Arsimit të Lartë. Sipas udhëzimit, pranimet e studentëve në Akademinë së Arteve, Akademinë e Edukimit Fizik dhe Sporteve “Vojo Kushi”, në programin e studimit të Arkitekturës të Universitetit Politeknik të Tiranës dhe në programin e studimit “Edukim fizik dhe sporte” të Universitetit të Shkodrës, ashtu si edhe këto dy vjet do të bëhen mbi bazën e rezultateve të Maturës Shtetërore dhe të rezultateve nga konkursi i pranimit i organizuar nga këto Institucione Publike të Arsimit të Lartë. Maturantët që do të pranohen në këto Institucione, përveç rezultateve të Maturës Shtetërore do tu duhet të jenë të suksesshëm edhe në këto konkurse, që organizohen për shkak të profilit të veçantë të këtyre programeve, në bazën e të cilave qëndron talenti dhe përgatitja fizike. Këtë vit, MASH vendosi ti organizojë këto konkurse në korrik, në mënyrë që raundet e pranimeve në universitete, sipas sistemit Meritë-Preferencë (MeP), të përfundojnë më herët dhe brenda javës së parë të vitit akademik 2008-2009. Sipas udhëzimit, në Akademinë e Arteve rezultatet e Maturës Shtetërore do të llogariten në masën 20% dhe rezultatet e konkursit të pranimit në masën 80%. Në bazë të propozimit të këtij institucioni, kandidati që nuk do të marrë 25% të pikëve të konkursit të pranimit nuk fiton të drejtën për të studiuar në programet e studimit të kësaj Akademie për vitin akademik 2008-2009. Ndërkohë, në Akademinë e Edukimit Fizik dhe Sporteve “Vojo Kushi” në Tiranë dhe në programin e studimit “Edukim fizik dhe sporte” të Universitetit “Luigj Gurakuqi” të Shkodrës raporti mes provimeve të Maturës dhe konkursit të pranimit do të jetë në masën 30% (Matura) me 70% (konkursi). Në programin e studimit “Arkitekturë” në Universitetin Politeknik të Tiranës ky raport i rezultateve do të jetë në masën 35% me 65%, ku përsëri peshën kryesore do ta ketë konkursi i IAL. Afati i regjistrimeve për të gjithë maturantët, që do të kërkojnë në Formularin A2 këto programe studimi, do të jetë periudha nga data 1 deri në 18 korrik 2008, nga ora 09.00, deri në orën 17.00 pranë sekretarive të Fakulteteve përkatëse. Udhëzimi parashikon gjithashtu që rektoratet dhe dekanatet e Institucioneve publike të Arsimit të Lartë të shpallin në Këndin e Njoftimeve dhe në mjediset e dukshme të institucioneve të tyre: datat dhe oraret e veprimeve të regjistrimit, procedurat përkatëse, listën e dokumenteve të nevojshme, për të siguruar një ecuri normale të procesit të regjistrimeve në konkursin e pranimit, për ciklin e parë të studimeve me kohë të plotë.


    Data e zhvillimit të konkurseve dhe tarifat

    1. Akademia e Arteve

    Për të gjitha programet e studimit në
    a. Fakultetin e Muzikës : 22 - 30 korrik 2008.
    b. Fakultetin e Artit Skenik : 22 - 26 korrik 2008
    c. Fakultetin e Arteve Figurative : 22 - 25 korrik 2008
    2. Akademia e Edukimit Fizik dhe Sporteve “Vojo Kushi”

    Për të gjitha specialitetet: 22 - 27 korrik 2008

    3. Universiteti “Luigj Gurakuqi” i Shkodrës

    Për programin e studimit “Edukim fizik dhe sporte”: 28- 31 korrik 2008

    4. Universiteti Politeknik i Tiranës

    Për programin e studimit “Arkitekturë”: 26 - 28 korrik 2008

    III- Tarifat e regjistrimit të kandidatëve pjesëmarrës në konkurset e pranimit në Institucionet e mësipërme publike të Arsimit të Lartë, do të jenë:

    1. Në të gjitha programet e studimit në Akademinë e Edukimit Fizik dhe Sporteve “Vojo Kushi”: 4 000 lekë (te reja)

    2. Në të gjitha programet e studimit në
    Akademinë e Arteve: 4 500 lekë (te reja)

    3. Në programin e studimit “ Edukim fizik dhe sporte” në Universitetin e Shkodrës “Luigj Gurakuqi” : 4 000 lekë (te reja)

    4. Në programin e studimit “Arkitekturë” në Universitetin Politeknik të Tiranës: 4 500 lekë. (te reja)


    Hartimi i testeve të Maturës Shtetërore
    në kushte të rrepta sigurie

    Mjediset e Agjencisë së Vlerësimit të Arritjeve të Nxënësve (AVA) janë të izoluara me të gjitha mënyrat e kontrollit nga mjedisi i jashtëm dhe personeli futet në këto mjedise pasi Policia e Shtetit ka inspektuar këto mjedise me metal-detector. Personeli i nënshtrohet kontrollit trupor të policisë në momentin e hyrjes në Agjenci dhe pas fillimit te KOEPS-it (Koha e Ekspozimit Potencial të Sekretit - periudha e izolimit, ku askush nuk mund të dalë nga këto mjedise, pa lejen e MASH dhe Policisë së Shtetit) për të evituar praninë në këto mjedise të telefonave dhe çdo pajisjeje tjetër telekomunikuese. Por që nga viti 2006 titullari i AVA-s me autorizim të MASH-it dhe leje të Policisë së Shtetit mban një celular të kontrolluar (pa akses interneti) për të komunikuar me eprorët në rast emergjence teknike e shëndetësore. Tërësia e masave, kushteve të sigurisë dhe përzgjedhja cilësore e profesionale e personelit, përbëjnë një garanci për të gjithë, se procedura e përgatitjes së testeve do të zhvillohet në kushtet e korrektesës dhe sekretimit të plotë në përputhje me rregullat në fuqi.

    Drejtoria Rajonale e Arsimit, merr
    masat për provimet e Maturës Shtetërore

    Një ndër prioritetet e reformës arsimore është edhe matura shtetërore, e cila zhvillohet për të tretin vit në vendin tonë. Drejtori i Drejtorisë Rajonale të Arsimit Kujtim Mema, tha dje se “pas marrjes së urdhrit të Ministrit të Arsimit dhe Shkencës, Genc Pollo, edhe ne si drejtori hartuam një plan pune për ndjekjen e problemeve për zhvillimin e provimeve. Të gjithë sektorët e drejtorisë morën detyrat përkatëse për ti realizuar brenda afatit të përcaktuar duke bashkëpunuar edhe me drejtoritë e shkollave të mesme”. Gjithashtu sipas Memës u ngrit edhe komisioni i Maturës Shtetërore pranë drejtorisë, komision i cili menjëherë hyri në veprim për përmbushjen e detyrave që rrjedhin nga udhëzimet e MASH. Tashmë në të gjitha shkollat e mesme të rrethit janë dërguar materialet si dhe programet orientuese për lëndët që do të japin provim nxënësit. Sipas Memës” ndryshe nga vitet e tjera në maturën shtetërore të vitit 2008 u zbatua Këshillimi i Karrierës për nxënësit maturantë, me anë të të cilit çdo nxënës ka marrë informacionet e duhura nga drejtoria e shkollës së mesme për takimet e zhvilluara në universitete në kuadrin e “Ditëve të Gjimnazistëve në Universitete”.

    {Gazeta55}

  • ILO- 40 mijë fëmijë pa shkollë

    12 qershor, ora 15:00 -

    Në Shqipëri ka më shumë se 40 mijë fëmijë të cilët nisur nga kushtet e vështira ekonomike kanë braktisur shkollën dhe janë punësuar.

    Në Shqipëri ka më shumë se 40 mijë fëmijë të cilët nisur nga kushtet e vështira ekonomike kanë braktisur shkollën dhe janë punësuar.

    Raporti i bërë nga dy shoqata mësuesish, kërkon nga qeveria marrjen e masave të menjëhershme për zgjidhjen e këtij problemi.

    “Problemi qëndron edhe në firmat e shumta që operojnë në Shqipëri,sidomos ato që merren me industritë e këpucëve dhe të veshmbathjeve.

    Shumë prej këtyre firmave kanë të punësuar në personelin e tyre fëmijë” – thuhet në raport. Por jashtë përgjegjësisë, nuk mbeten as pronarët e këtyre firmave, të cilët zhvillojnë aktivitet në Shqipëri për shkak të kostove të ulëta të pridhimit.

    Raporti i publikuar, ngre edhe një fenomen, i cili jo pak herë është denoncuar edhe nga mediat, trafikimi i fëmijëve.

     Sipas Organizatës Botërore të Punës, ILO, më shumë se 3 mijë fëmijë shqiptarë janë trafikuar në drejtim të Greqisë dhe Italisë, për t’u përdorur kryesisht si lypësa apo në rastin edhe më të keq, si hajdutë. Grupi Shqiptar i të Drejtave të Njeriut, në bazë të raportit të fundit, vlerëson se rreth 25 % e personave të trafikuar i përkasin moshës 14-17 vjeç.

    {Shekulli Online}

  • BB: Tarifat e telefonisë, 3-herë më lartë se Evropa

    Në vend mungon konkurrenca, ndërsa kuadri rregullator dhe masat e qeverisë janë të mangëta

    Julian Llupo

    Banka Botërore i bën thirrje Shqipërisë dhe vendeve të tjera të Ballkanit Perëndimor të ulin tarifat për shërbimet e telekomunikacionit.

    “Çmimet e telefonisë në Shqipëri dhe në vendet e tjera të Ballkanit Perëndimor janë tre herë më të larta se në Evropë. Çmimet janë tre herë më të larta jo vetëm për thirrjet që bëhen nga Shqipëria drejt vendeve të tjera apo brenda vendit, por edhe për telefonatat që vijnë nga jashtë.

    Një fakt i tillë sipas raportit është më se i dukshëm. “ Nëse merret si shembull një telefonata nga Anglia drejt vendeve të BE-së, ajo është 3 herë më e lirë se një telefonatë po nga Anglia në drejtim të vendeve të Shqipërisë apo të vendeve të tjera të BE-së.

    “Ulja e kostove të tilla mund të jetë shumë e madhe, duke u bazuar në një analizë të infrastrukturës e prodhueshmërisë së vendeve në Evropë dhe në Azinë Qendrore”.

    Gjithashtu Banka Botërore bën thirrje për përmirësimin e infrastrukturës së Telekomit e cila do të ndihmojë në integrimin rajonal, si dhe do të ndihmojë bizneset të përballojnë pjesërisht rënien ekonomike në pjesën më të madhe të vendeve të vogla.

    Raporti i Bankës Botërore i renditet sektorët e telekomunikaciont dhe atë të energjisë si nga më të rëndësishmit në zhvillimin e biznesit në Shqipëri. Tregu i Telekomunikacionit dhe ai i Energjisë llogariten në rreth 1 miliardë euro, duke qenë së bashku një nga pjesët më të rëndësishme të ekonomisë së vendit.

    Qeveria e dështuar në rregullim


    Këto tregje sipas raportit të BB duhet që të jenë të rregulluara, pra qeveria të orientojë çmimet drejt kostos. Por përveç se ka një kuadër rregullator të mangët në këtë drejtim, raporti sqaron se qeverive të vendeve të Evropës Juglindore, ku përfshihet edhe Shqipëria i mungon vullneti për të ndryshuar këtë situatë.

    Një nga pikat e tjera, që sipas stusimit të BB është tepër e dukshme në tregun e telefonisë, është mungesa e konkurrencës. Sipas stusimit të realizuar nga BB tregu në Shqipëri, Maqedoni dhe Bosnje-Hercegovina paraqet mundësi të mëdha për uljen e ndjeshme të tarifave. “Nëse do të kishte një konkurrencë midis kompanive apo të ndërmerrej një orientim i tarifave drejt kostove atëherë përfitimet që mund të arriheshin në uljen e pagesave për konsumatorët do të ishin të mëdha”, - thuhet në raport.

    Energjia dhe telekomunikacioni, pengesë për integrimin

    Mungesa e energjisë elektrike për periudha të gjatë dhe kostot e mëdha që mbart sektori i telekomunikacionit, vlerësohen nga BB si pengesa serioze në integrimin e vendit dhe në arritjen e standardeve. Shqipëria mbetet një nga vendet më problematike në të dy këto sektorë të rëndësishëm të infrastrukturës, thekson raporti. Specialistët e BB bëjnë të ditur se energjia elektrike ka shkurtuar për vite me radhë rritjen ekonomike, duke u bërë një nga pengesat kryesorë të vendit në procesin e integrimit.

    Banka Botërore sjell si shembull Shqipërinë ku kufizimet e energjisë- shkruan raporti- janë një problem mjaft shqetësues për investitorët. “Përvoja e viteve të fundit në Shqipëri kanë treguar se kufizimet e energjisë mund të kenë një ndikim të madh në rritjen e GDP-së . Si pasojë kufizimet e energjisë mund të kenë ndikim të madh si në investimet kombëtare, ashtu dhe tek investimet ndërkombëtare”, vazhdon raporti.

    {Shekulli}

  • Si të përballosh stresin e provimeve?

    Si të përballosh stresin e provimeve?

    Dhimbjet e kokës janë të shpeshta, nuk përqëndrohesh, të flihet shumë ose s’ke gjumë fare, përjeton ankth. Ka të ngjarë që këto shenja t’i keni nëse keni për të dhënë provim të nësermen ose gjatë javës.

    Xhuljeta Lamkaj

    Janë simptoma të zakonshme për të gjitha ata studentë që janë me provime në këtë periudhë të përfundimit të vitit universitar. Më shumë stres përjetojnë ata që diplomohen, studentët që janë në përfundim të studimeve akademike. “Kam frikë se mos nuk diplomohem. Ndihem shumë e stresuar pasi nëse nuk marr diplomën e kam të pamundur të punoj në profesionin tim dhe nuk e di se çdo bëj dhe ku do të punoj”- u shpreh një studente në prag të diplomimit në Universitetin e Tiranës. Për shkak të stresit shumë kanë simptomat e mësipërme. Për mos të thënë se disa të tjerë edhe u bie të fikët para hyrjes në provim ose gjatë tij. Ana T. studente për Arkeologji në vitin e tretë, në Fakultetin Histori-Filologji pas provimit i ra të fikët. Mjekët e diagnostikuan se kjo ka ardhur si pasojë e stresit për të cilin trupi e ka pasur të pamundur ta përballonte.

    Megjithatë çfarë duhet për të mësuar në mënyrë të efektshme dhe për ta përballuar më mirë stresin para provimeve.

    “Jam programuar në mënyrë që të mësoj në mënyrë të efektshme. Çohem herët që në mëngjes dhe pasi ha mëngjes filloj menjëherë të studioj” – tha Marsila Mahmutllari, studente në vitin e katërt për Gjuhë-Letërsi, në Universtitetin e Tiranës.

    Megjithatë mes shumë këshillash të specialistëve në këtë fushë do të shkëputnim disa gjëra që ndihmojnë në përballimin e stresit para provimeve. Ushqimi, pushim i mirë dhe program për të mësuar në mënyrë të efektshme.

    Specialistët këshillojnë që brumërat, orizi, frutat, perimet, vezët e ziera dhe qumështi i ngrohtë është i mirë. Ndërsa duhet hequr dorë nga kafja, e cila shoqëron rëndom studentët natën para provimeve. Simptomate mësipërme si ankthi, dhimbja e kokës, pagjumësia mund të fitohen nëse i kontribuon trupit me ushqime me vlera. Nuk duhet të mungojë buka, orizi, qepa, djathi i freskët, vezët e ziera frutat e ëmbla dhe mjalti që favorizojnë gjumin dhe ndihmojnë organizmin të qetësohet për të përballuar energjinë dhe përqëndrimin që duhet para sfidave shkollore.

    Ajo që është e rëndësihme për të ulur stresin është edhe studimi i mirë para provimeve. Të studiosh në mënyrë të efektshme është e mundur. Edhe në këtë fushë specialistët këshillojnë disa metoda. “Të studiosh duke mbajtur shënime të ndihmon të mbash mend më shumë” – ka sugjeruar Zydi Dervishi, sociolog dhe pedagog në universitetin e Tiranës. Një metodë e mirë e provuar nga disa studentë është kjo:

    - HIDHI një sy materialit

    Kjo do të thotë që të shohësh me të shpejtë materialin që të është caktuar, duke parë nëntitujt, kapitujt e kështu me radhë me qëllim që të kesh një ide se çfarë trajtohet.

    -Formulo PYETJE

    Pyetjet formuloji në bazë të kapitujve ose frazave kyçe. Kjo gjë të ndihmon të përqendrohesh në atë që lexon.

    -LEXO duke kërkuar përgjigjet e këtyre pyetjeve

    -Pasi të kesh mbaruar çdo paragraf ose pjesë PËRSËRIT përmendësh ose thuaj me fjalët e tua atë që ke lexuar, pa parë në libër.

    -Kur të kesh mbaruar gjithë materialin, RISHIKO përsëri nëntitujt, duke provuar sa kujton nga çdo pjesë!

    Disa që e kanë provuar këtë metodë kanë pohuar se i kanë ndihmuar që të mbajnë mend rreth 80 përqind të materialit.

    Ajo që mbetet është vetëm të zbatosh këshillat dhe SUKSESE në provime!

    {Shekulli}

    Vazhdo leximin