Créer un site internet

Mirësevini

  • folder_openTema Sociale

    Krimi kompiuterik po perhapet me te madhe ne Kosove

    Nga Më 10/02/2011


    Kjo formë e krimit prek drejtpërdrejt personat e moshave të reja, të cilët janë viktimë e manipulimeve që bëhen përmes mjeteve teknologjike...
    Forma e krimit kompjuterik dhe teknologjik, si dukuri ka filluar të shfaqet edhe në Kosovë. Sipas Policisë së Kosovës kjo formë e krimit, ndonëse ka filluar të shfaqet tash vonë, është duke u përhapur me të madhe dhe ka shtrirje gati në gjithë vendin.
    Krimi kompjuterik, ose i njohur si formë e krimit kibernetik, tanimë ka filluar të shfaqet edhe në vendin tonë. Vetëm gjatë vitit të kaluar Policia e Kosovës ka regjistruar tetë raste të tilla. Sipas toger Brahim Sadriut, kryesit e këtyre veprave përdorin teknologji të sofistikuar.
    “ Në shumicën e rasteve në kryerjen e kësaj vepre penale, kryesitë e këtyre veprave përdorin teknologjitë e sofistikuara që shpesh i tejkalojnë kapacitetet teknike që i ka Policia e Kosovës. Mirëpo, ne si polici kemi marrëveshje mirëkuptimi me policitë e shteteve tjera që ofrojnë pajisje qoftë për identifikim, ekspertizë apo ekzaminim të pajisjeve që lidhen me krimet kompjuterike” , thotë Sadriu.
    Kjo formë e krimit prek drejtpërdrejt personat e moshave të reja, të cilët janë viktimë e manipulimeve që bëhen përmes mjeteve teknologjike. Diamant Binaku, drejtor ekzekutiv në Qendrën për Trajnime dhe Studime Gjinore thotë se vajzat e reja janë pre e kësaj forme te krimit. “ Aq shumë ka pas raste të viktimizimit përmes këtij lloj të krimit. Saqë për një kohë më të shkurtër se një vit e gjysmë në Kosovë kanë qenë 166 vajza të reja, të cilat duke u viktimizuar janë larguar prej shtëpive të tyre dhe nuk dihet ku janë” , thotë Binaku. Sipas kodit penal të Kosovës, përkatësisht nenit 264, ndërhyrja në sistemet kompjuterike dënohet me gjobë apo me burgim deri në tre vjet. Por, Ismet Salihu, profesor në Fakultetin Juridik në Universitetin e Prishtinës thotë se në kuadër të këtij kodi duhet të shtohet edhe një kapitull i veçantë për krimin kibernetik, i cili do të sanksionoj edhe cenimin e jetës private dhe përhapjen e shkresave pornografike.
    (Berianë Mustafa-RTK)
  • folder_openAnaliza dhe Opinione

    Moraliteti i kësaj situate politike

    Nga Më 04/02/2011

    Dr. Alban Daci
    Shpesh thuhet që çdo kush (ose çdo komb) ka liderin që meriton. Thuhet, se natyra autoritare e kulturës ruse është e destinuar të prodhojë gjithmonë një car (siç ka ndodhur në të kaluarën) ose një Putin (siç ka filluar të përdoret shpesh në ditët e sotme); traditat britanike që nga koha e Manja Kartës (pengon) ose përjashton në mënyrë kategorike mundësinë e një cari të ngjashëm me Rusinë që të qeveris vendin; dhe Japonia tenton të mos ketë lider karizmatik, për shkak të konformizmit të shoqërisë së Japonisë. Siç demonstrojnë ndryshimet e ndodhura në Gjermani në 100 vitet e fundit, një përcaktim i tillë kulturor është i thjeshtësuar; zgjedhjet morale të ndjekësve mund të pengojnë edhe aksionet e liderëve më virtuoz. Thënia e vjetër, sipas së cilës çdo kush ka liderin që meriton, siç thamë më sipër, është një thjeshtësim, por megjithatë nuk ka dyshim që ndjekësit e paedukuar kontribuojnë për të prodhuar liderë të këqij dhe mënjanon liderët e mirë.
    lexo te plote artikulin
  • Omani njohu shtetin e Kosovës

    Nga Më 04/02/2011

    Mbretëria e Omanit e ka njohur shtetin e Kosovës. Letra e vendosjes së marrdhënieve diplomatike është dërguar në Ambasadën e Kosovës në Londër. ... Zëvendësministrja e Jashtme në detyrë Vlora Çitaku ka akredituar ambasadorin në Londër si ambasador jorezident për Omanin. Mbretëria e Omanit e ka njohur shtetin e Kosovës, nëpërmjet një letre zyrtare për vendosjen e marrdhënieve diplomatike, të dërguar në Ambasadën e Republikës së Kosovës në Londër. Lajmin e konfirmoi zëvendësministrja e jashtme në largim, Vlora Çitaku, e cila tha se njohja nga Omani e çon në 75 numrin e shteteve që e kanë njohur vendin tonë. Zv/ministrja Çitaku bëri të ditur se menjëherë pas pranimit të letrës ka marrë vendim që ambasadorin e Kosovës në Londër ta akreditojë si ambasador jorezident në Oman. Në letrën e sulltanit të Omanit thuhet se vendimi është marr duke pasur parasysh opinionin e Gjykatës Ndërkombëtare të Drejtësisë për ligjshmërinë e shpalljes së pavarësisë së Kosovës. Omani gjendet në jugperëndim të Azisë, në kufi me Emiratet e Bashkuara Arabe, Arabinë Saudite dhe Jemenin. Omani ka mbi 2 milionë e 300.000 banorë dhe shtrihet në rreth 309.500 kilometra katror. Është anëtar i Kombeve të Bashkuara dhe vend me ndikim në vendet e Gadishullit Arabik. (Kestrin Kumnova)[RTK]
  • folder_openShkencë dhe Kuriozitete

    NASA njofton zbulimin e 1235 planeteve të mundshme

    Nga Më 03/02/2011

    Shkencëtarët e agjencisë hapësinore amerikane, NASA, kanë njoftuar për zbulimin të mesa duket planeteve të ngjashmdje me Tokën nga të dhënat e nxjerra së fundmi prej teleskopit Kepler të ndodhur në hapësirë. Siç njofton korrespondenti i Zërit të Amerikës, Mike O’ Sullivan, shkencëtarët thonë se këta trupa qiellorë janë në mesin e më shumë se 1 mijë e 200 planeteve të mundshme, që u zbuluan rishtazi nga misioni. Hulumtuesit thonë se janë konfirmuar gjashtë planete të reja, por kryeshkencëtari i teleskopit Kepler, Uilliam Boruki, thotë se pritet të verifikohen deri në 80 përqind e trupave të zbuluar. Para njoftimit të së mërkurës, numri i përgjithshëm i të ashtuquajturave ekzoplanete jashtë sistemit tonë diellor kalonte për pak shifrën 500. Zoti Boruki thotë se numri u rrit ndjeshëm në bazë të të dhënave të reja mbi një pjesë të vogël të qiellit që u ekzaminua nga misioni. “ Kepler vështron një të 400- tën e qiellit. Po të mund të shihnim 400 prej këtyre fushave, edhe numri i kandidatëve do të ishte 400 herë më i madh” . Ai thotë se është i mahnitur për gjetjen e 68 planeteve që mendohet të kenë madhësinë e Tokës ose më të vogël dhe të 54 planeteve në zona të banueshme, ku temperaturat e moderuara mund të lejojnë ekzistencën e ujit në gjendje të lëngët. Hulumtuesi Xhek Llisauër foli edhe për një zbulim tjetër që do të njoftohet të enjten në revistën shkencore Nature. Fjala është për një sistem planetar që rrotullohet rreth një ylli të quajtur Kepler 11. “ Kepler 11 është një sistem çuditërisht i rrafshtë dhe i ngjeshur, i përbërë nga gjashtë planete. Pesë planetet e brendshme janë veçanërisht afër njëri-tjetrit, çfarë nuk kemi menduar se mund të ndodhë për trupa të kësaj madhësie” . Ai thotë se planetet janë më pak të dendura se toka dhe shumë të ngrohta për jetë, por se gjetja do t’ i shtyjë shkencëtarët të rishqyrtojnë pikëpamjet e tyre rreth formimit të sistemeve planetare. Astronomja nga Universiteti Jellë, Debra Fishër, thotë se astronomët amatorë në mbarë botën po ndihmojnë në analizimin e të dhënave të reja në një faqe interneti, PlanetHunters.org. “ Ata na dërgojnë të fala nga Turqia, Rusia, Polonia, Spanja, Ishujt Kanare, Italia, Brazili, Argjentina, Kili, e plot vende të tjera. Është mahnitëse” . Shkencëtarët mbështesin përfundimet e tyre rreth ekzistencës së mundshme të planeteve pjesërisht në shuarjen periodike të yjeve, që sugjeron praninë e planeteve në orbitë ose të një sistemi binar të yjeve. Ata thonë se nevojiten vëzhgimet të gjera nga teleskopët në Tokë për të konfirmuar ekzistencën e planeteve. Shumica e planeteve të shpallura dje duken të jenë më të mëdha se toka, sa Neptuni ose Jupiteri. Por zonja Fisher thotë se gjetjet tregojnë se sistemet me planete si i yni duken të jenë të zakonshme.(voa)
  • folder_openArsimi

    Doktoraturat, ndarja e 1266 kuotave të pranimit sipas programeve

    Nga Më 29/01/2011

    Aplikimet bëhen pranë fakulteteve, tarifa e shkollimit 204 600 lekë
    Rreth 1266 kandidatë do të mund të aplikojnë për ndjekjen e studimeve të larta në programet e doktoraturës për vitin akademik 2010-2011. Tashmë fakultet kanë çelur procedurat e pranimit të dosjeve për këto kuota pranimi, të ndara sipas programeve përkatëse në Universitetin e Tiranës, Universitetin Politeknik, Universitetin Bujqësor, Qendrën e Studimeve Albanologjike, Universitetin “ Aleksandër Moisiu” të Durrësit, “ Ismail Qemali” të Vlorës si dhe Akademinë e Mbrojtjes “ Spiro Moisiu” . Bashkangjitur shkrimit do të gjeni të plotë shpërndarjen e kuotave për të gjitha programet që do të ofrojnë këtë cikël studimesh pranë fakulteteve publike. Vendimi i miratuar në qeveri përcakton se në kuotën e çdo programi studimi të doktoratës 10 për qind do të shkojë për kandidatët nga trojet shqiptare jashtë kufijve. Njëkohësisht janë përcaktuar edhe tarifat e studimit, të cilat do të afishohen pranë fakulteteve. Tarifa e shkollimit për çdo program të studimeve të doktoratës në institucionet publike të arsimit të lartë civil, si dhe për doktorantët nga jashtë Forcave të Armatosura në programet e studimeve të doktoratës në Akademinë e Mbrojtjes “ Spiro Moisiu” është 204 600 lekë, shumë e cila do të paguhet në këste, të përcaktuara nga institucioni përkatës i arsimit të lartë. Aktualisht pranë secilit fakultet është çelur faza e aplikimit, ku kandidatët e interesuar duhet të dorëzojnë dosjen me dokumentacionin e kërkuar në bazë të kritereve të shpallura për secilën degë. Pas mbylljes së fazës së aplikimit komisionet e ngritura në secilin institucion me specialistë të fushës do të përcaktojnë edhe kandidatët që plotësojnë kriteret për të vijuar studimet e ciklit të tretë për këtë vit akademik.
  • folder_openShkencë dhe Kuriozitete

    8 mënyrat për të rritur privatësinë në fotot tuaja në Facebook

    Nga Më 11/01/2011

    Pak persona kuptojnë si funksionon privatësia rreth postimeve ne facebook. Ata postojne foto e gjithcka e në fund çuditen që ky postim është parë edhe nga persona të tyre të padëshiruar. Ky është një shpjegim nga Justin Mitchell, inxhinier i fotove ne Facebook. Ai tregon 8 principe që duhet të dihen nga të gjithë rreth privatësisë së fotove në këtë rrjet social: 1. Nëse foton e ke postuar ti, atëhere gjithmon mund ta shikosh. 2. Nëse etikohesh në një foto, atëherë ajo mund të shikohet edhe nga të tjerët. Edhe nëse ke bllokuar një person, nëse je etikuar në një foto, fotoja mund të shikohet. Prandaj nëse etikoheni në një foto ose dikush etikon njërën prej fotove tuaja, përdorni opsionin për të heq etiketimin. 3. Nëse fotoja është postuar në profilin tënd, atëherë kjo foto shfaqet edhe në murin e postuesit dhe mund të shikohet nga të tjerët. Hiqeni këtë opsion për një privatësi më të sigurtë. 4. Nëse dikush të ka bllokuar dhe ai nuk është i etiketuar në një foto, atëherë nuk mund të shikoni asnjë prej fotove të tij. 5. Nëse postuesi ka lejuar që shoket e shokeve, ti shikojnë fotot dhe nëse jeni etiketuar në ndonjë prej fotove të tij, atehere rrjeti i shikuesve shtrihet deri tek shokët e shokëve. 6. Në albumet speciale si: fotot e proflit apo fotografitë e murit, rrisni privatësinë për personat që mund ti shikojnë. 7. Nëse fotoja përmban privatësi speciale, ateherë para postimit të saj cilësoni ta shikojnë foton vetëm personat zgjedhur. 8. Binduni dhe lexoni me kujdes çdo përshkrim rreth caktimit të një privatësie për fotot tuaja. Ka mjaft debate dhe komente rreth kesaj liste nëse është e mjaftueshme apo jo, por duke qenë se vjen nga një inxhinier Facebook′u duhet marrë parasysh... (albeu.com)
  • folder_openSporti

    Fanellë me shqiponjë për Rooneyn

    Nga Më 01/01/2011

    Tashmë kemi raportuar gjerësisht për talentin shqiptar Shpresim Vulaj, që pati sukses në shown "Rooney: Street Striker". Ai zuri vendin e tretë dhe u bë i famshëm në Angli, pasi që emisioni u transmetua në televizionin kombëtar Sky.

    E momenti që u la përshtypje të gjithëve ishte ai i dhurimit të fanellës me shqiponjë për yllin ndërkombëtar të futbollit, Wayne Rooney.

    Kishte edhe të atillë që nuk e besuan, raporton portali Indeks.(albeu)

  • folder_openAktualitet

    Protestë për të zhdukurit gjatë luftës

    Nga Më 31/12/2010

    Violeta Hyseni BBC, Prishtinë

    Familjarët e personave të zhdukur kanë protestuar të premten pranë institucioneve të Kosovës, duke kërkuar zbardhjen e fatit të më shumë se 1800 personave të rrëmbyer nga forcat serbe gjatë luftës.

    Kryetari i Asociacioneve Familjare të të Zhdukurve të Kosovës, Haki Kasumi tha se qëllimi i protestës ishte t’ u rikujtohet udhëheqësve të vendit se është e drejtë elementare e familjarëve që të kenë një informacion për vendndodhjen e më të dashurve të tyre.

    Në protestë u kërkua edhe përshpejtimi i miratimit të ligjit për të zhdukurit e luftës dhe hartimi i listës së personave që mungojnë.

    “ Çfarë kuptimi ka që 11 vjet pas luftës të mos e kemi ne si shtet listën tonë për të zhdukurit, por të shërbehemi me lista të huaja” , shprehet zoti Kasumi.

    Në një deklaratë dhënë BBC-së, ai tha se familjarët e të zhdukurve protestojnë edhe kundër raportit të të dërguarit të Këshillit të Evropës, Dick Marty, i cili pretendon kryerjen e krimeve kundër civilëve serbë nga pjesëtarë të ish-UÇK-së në kufirin ndërmjet Kosovës e Shqipërisë.

    “ Na ka shqetësuar tej mase raporti i deputetit zviceran, i miratuar nga Këshilli i Evropës. Ne kemi planifikuar dhe jemi duke punuar në realizimin e një proteste pas selisë së KE-së në Strasburg, nëse për këtë gjejmë mbështetje” , deklaroi përfaqësuesi i familjarëve të personave të zhdukur në Kosovë, Haki Kasumi.

    Ai i bëri thirrje Prishtinës që të përgatitet më seriozisht për bisedimet e pritshme me Beogradin, në të cilat do të diskutohet edhe çështja e të zhdukurve. “ Ne jemi të bindur se nuk është punuar sa duhet, se nuk janë formuar grupet të cilat do të ishin të denja që të përfaqësonin dhe mbronin të drejtat e këtyre qytetarëve dhe të nxjerrin në shesh të vërtetën dhe fajtorin kryesor për mungesën e 1823 njerëzve që aktualisht i mungojnë Kosovës” , theksoi zoti Kasumi.

    Në disa vitet e fundit, delegacionet e Prishtinës dhe të Beogradit janë takuar dhjetëra herë në përpjekje për të zbardhur fatin e personave të zhdukur gjatë luftës, por rezultatet kanë qenë të pakta. Sipas zyrtarëve të qeverisë së Kosovës, procesi për gjetjen e personave që mungojnë po ecën ngadalë dhe me shumë vështirësi, kryesisht për shkak të fshehjes së gjurmëve të krimit në shumë vende.
  • folder_openAktualitet

    Miresevjen 2011 !

    Nga Më 31/12/2010

    Ju Urojme te gjitheve GEZUAR 2011 !
  • folder_openShkencë dhe Kuriozitete

    2011,telefononi falas me gjithe boten online

    Nga Më 27/12/2010

    Gjatë gushtit të këtij viti kompania Google paraqiti mundësinë e re për të realizuar dhe pranuar telefonata brenda shërbimit Gmail. Në atë kohë kompania vendosi që të gjitha thirrjet në Shtetet e Bashkuara të Amerikës dhe Kanada të jenë falas deri në fund të 2010. Kurse tani, Google njofton se ka zgjeruar zonën e thirrjeve në të gjithë botën për vitin 2011. Për të realizuar telefonata brenda Gmail, duhet vetëm të shkruhet numri i personit i cili do të pranon thirrjen, dhe pastaj Google bënë lidhjen duke shfrytëzuar teknologjinë VoIP. Nëse përdorni Google Voice, ju mund ta asocioni numrin tuaj të telefonit në shërbimin Gmail, kështu që Gmail fillon të bëjë zile kur dikush është duke u munduar t’ iu thërras përmes shërbimit. Po ashtu me fillimin e aplikimit të ofertës së re do të mund të bëhen thirrje falas në gjithë botën pa përjashtim.